Дар ноҳияи Нуробод намоиш-фурӯши китобҳои тозанашр доир гардид
ДУШАНБЕ, 17.02.2026 /АМИТ «Ховар»/. Имрӯз дар ноҳияи Нуробод намоиш-фурӯши китобҳои тозанашр доир гардид. Дар ин хусус АМИТ «Ховар» бо истинод ба Вазорати фарҳанги Ҷумҳурии Тоҷикистон иттилоъ медиҳад.
Намоиш-фурӯши китоб бо ташаббуси Вазорати фарҳанги Ҷумҳурии Тоҷикистон доир карда шуд. Дар он Нашриёти «Адиб» 80 номгӯй китоб бо теъдоди 2000 нусха ва Нашриёти «Ирфон» 70 номгӯй ва 2000 нусха китобро пешниҳоди сокинони ноҳия намуданд.
Дар намоиш-фурӯш ноширони ватанӣ китобҳои бадеӣ, илмӣ, адабиёти бачагона ва тарҷумаи бадеиро бо сифати баланд пешниҳоди мардум гардониданд. Намоиш-фурӯши китоб барои дастрас намудани китобҳои тозанашр беҳтарин имконият аст.
Чун анъана дар намоиш-фурӯш як зумра шоирону нависандагони маъруфи тоҷик иштирок намуда, ба китобҳои харидаи иштирокдорон соядаст гузоштанд.
Китоб ганҷи бебаҳо, махзани илму дониш, панду ҳикмат ва роҳнамову ҳамнишини беҳтарин аст. Ҳар нафаре, ки китобхониро пеша мекунад, аз ӯ дар оянда ҳатман шахси некному фарҳангдӯст ва бомаданият ба воя мерасад. Тавассути китоб мо таърихи гузашта, ҳаёти имрӯза ва ояндаи дурахшони халқу миллатамонро меомӯзем. Маҳз китоб аст, ки ба мо расму оин ва анъанаҳои неки миллиамонро бозгӯйӣ карда, имкон медиҳад, ки сатҳи донишамонро пайваста мукаммал гардонем.
Тавре Президенти Ҷумҳурии Тоҷикистон муҳтарам Эмомалӣ Раҳмон таъкид менамоянд, «китоб рукни муҳими тамаддуни башарӣ ва ҷузъи ҷудонопазири зиндагии инсон аст. Аз ин ҷост, ки мардуми олам бо арзи эҳтиром ба ганҷинаи маънавии ниёгон китобҳоро дар хазинаҳои миллии хеш нигоҳдорӣ мекунанд, то наслҳои имрӯза ва оянда аз онҳо барои рушду камолоти маънавӣ истифода баранд».
Ба андешаи донишмандон, китоб на танҳо аз насл ба насл дониш, маданият, таҷрибаи ҳосилкардаи инсонро интиқол медиҳад, балки барои таълиму тарбияи аҳли ҷомеа имконияти зиёд фароҳам меоварад. Китоб таъсири калони тарбиявию дарккунӣ дорад. Бисёр шахсиятҳои бузург, аз қабили олимон, файласуфон, шоирону нависандагон ба китоб ҳамчун муаллими бузург ва рафиқ баҳо дода, ҷавононро даъват кардаанд, ки аз овони кӯдакӣ ба китобхонӣ одат намоянд.
АКС: Вазорати фарҳанги Ҷумҳурии Тоҷикистон
Нахустнамоиши филми «Дурахши ахтарон: Ҷомӣ ва Навоӣ» дар кинотеатри «Ватан»-и шаҳри Душанбе баргузор мегардад
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
