ҶИНОЯТ ВА ҶАЗО. Бо ҳукми Суди Олӣ чор нафар барои одамкушӣ аз озодӣ маҳрум гардиданд
ДУШАНБЕ, 1.06.2017. /АМИТ «Ховар»/. Бо ҳукми Суди Олии Ҷумҳурии Тоҷикистон барои содир намудани одамкушӣ, роҳзанӣ ва хабар надодани ҷиноят чор нафар ҷинояткорон- Муродалӣ Миров ба муҳлати 22 сол, Амирбек Диллоев- 20 сол, Музаффар Ғоибназаров- 30 сол ва Анвар Ризоев ба муҳлати 4 сол аз озодӣ маҳрум гардиданд.
Парванда имрӯз дар Суди Олии Ҷумҳурии Тоҷикистон таҳти раисикунанда, судяи Суди Олӣ Маҳмадалӣ Абдулҳақов баррасӣ гардид.
Муайян карда шуд, ки судшаванда Муродалӣ Миров бо писараш Рустам Миров ба тиҷорат машғул шуда, барои дарёфти маблағ манзили истиқоматии Р. Мировро дар филиали БДА «Амонатбонк» ба гарав мемонанд. Бо 100 ҳазор маблағи ба даст овардашуда аз ҶСК «Суғдиён»-и шаҳри Кӯлоб тахминан 900 линча орд харидорӣ намуда, ба фурӯш мебароранд. М. Миров қисми маблағи аз фурӯши орд ба маблағи 57 ҳазор сомонӣ ба даст овардаашонро ба писараш Р. Миров надода, ба эҳтиёҷоти худ сарф мекунад. Моҳҳои август-сентябри соли 2016 М. Миров бо мақсади барнагардонидани маблағҳои ба даст овардааш ба судшаванда Амирбек Диллоев пешниҳод менамояд, ки бар ивази маблағ писараш Р. Мировро аз ҳаёт маҳрум созад. Амирбек Диллоев ба пешниҳоди М. Миров розӣ шуда, бо судшаванда Музаффар Ғоибназаров ба манзили М. Миров омада, барои содир намудани куштори писараш 1000 сомонӣ ҳамчун пешпардохт мегиранд. Мувофиқи ваъда М. Миров баъди аз ҳаёт маҳрум сохтани писараш боз 30 ҳазор сомонии дигар ба онҳо бояд медодааст. Судшаванда А. Диллоев барои куштани писарандари апааш- Рустам Миров фурсати муносибро интизор шуда, нақшаи куштори ӯ ва тасарруфи мошини ӯро тарҳрезӣ менамояд.
11 ноябри соли 2016 А. Диллоев ва М. Ғоибназарав тибқи нақша бо худ гулмехи оҳанин ва болға гирифта, бо мақсади амалӣ намудани ҷиноятҳои роҳзанӣ ва куштор ба мошини Р. Миров нишаста, ба ӯ мегӯянд, ки мошинашро ба тарафи ҳудуди заминҳои деҳаи Ҷӯйбодом, Ҷамоати деҳоти Чортеппаи ноҳияи Рӯдакӣ ронад. Р. Миров, ки аз нияти наздиконаш хабардор набуд, мошинашро ба ҷойи муайянгардида меронад. Дар роҳ ҳангоми бархӯрдани мошин ба санг Р. Миров мошинро дар канори роҳ бозмедорад. А. Диллоев ва М. Ғоибназаров аз фурсати муносиб истифода бурда, бо гулмехи оҳанин ба ӯ ҳуҷум намуда, якчанд маротиба ба сару рӯи Р. Миров мезананд. Дар натиҷа номбурда дар дохили салони мошин ба ҳалокат мерасад.
Сипас ҷинояткорон ҷасади Р. Мировро ба шаҳри Ҳисор бурда, ба канали обгузари деҳаи Дурбади ҷамоати деҳоти Дурбад мепартоянд.
?
Дар Москва нишасти сездаҳуми котибони Шурои амнияти кишварҳои ИДМ баргузор шуд
Дар мақомоти корҳои дохилии шаҳри Душанбе ба муносибати Рӯзи Конститутсия ҳамоиши илмӣ – маърифатӣ доир шуд
Вазорати нақлиёти Тоҷикистон: «Новобаста аз боридани барф дар минтақаҳои кӯҳӣ ва ағбаҳо роҳҳои мошингарди ҷумҳурӣ кушода аст»
Дар шаҳри Гулистон масъалаи бехатарии радиатсионӣ ва идоракунии партовҳои радиоактивӣ баррасӣ гардид
Мақомоти корҳои дохилии Душанбе ҳамкориро бо Департаменти бехатарии шаҳри Нанкини Чин тақвият мебахшад
Раёсати Вазорати корҳои дохилӣ дар шаҳри Душанбе бахшида ба Рӯзи Президент озмун эълон менамояд
Дар Шуғнон бо мақсади пешгирӣ аз омилҳои номатлуб бо хонандагон, омӯзгорон ва падару модарон вохӯрӣ доир гардид
95 ҲОДИСАИ НОХУШИ НАҚЛИЁТӢ ДАР ДУШАНБЕ. Пиёдагардон низ мисли ронандагон ҷарима карда шаванд
Намояндаи Тоҷикистон дар нишасти роҳбарони ниҳодҳои миллии зиддимухадиротии кишварҳои Аврупо дар Вена иштирок дорад
Дар Теҳрон ҷаласаи 4-уми вазирони корҳои дохилии кишварҳои узви Созмони ҳамкории иқтисодӣ доир гардид
ҚОИДАҲОИ ҲАРАКАТ ДАР РОҲРО РИОЯ НАМОЕД! Дар нуҳ моҳ дар Тоҷикистон 999 ҳодисаҳои роҳу нақлиёт ба қайд гирифта шудааст
Машқҳои ҳарбии муштараки «Бародарии шикастнопазир-2025», «Монеа-2025» ва «Иттиҳоди зиддитеррористӣ-2025» анҷом ёфтанд
