Дастаҳои мунтахаби Тоҷикистон ва Ӯзбекистон ду бозии дӯстона анҷом медиҳанд
ДУШАНБЕ, 02.08.2017 /АМИТ «Ховар»/. Дастаи мунтахаби миллии Тоҷикистон оид ба футзал дар доираи омодагӣ ба мусобиқаи интихобии қаҳрамонии Осиё-2018 бо дастаи мунтахаби Ӯзбекистон ду бозии дӯстона анҷом медиҳад.
Тавре аз Федератсияи футболи Тоҷикистон ба АМИТ «Ховар» иттилоъ доданд, ҳарду бозӣ рӯзҳои 5-6 август дар маҷмааи варзишии «Шоҳин»-и шаҳри Гулистони вилояти Суғд барпо мегарданд.
Ёдовар мешавем, ки мусобиқаи интихобии қаҳрамонии Осиё-2018 оид ба футзал дар гурӯҳи «В» аз 15 то 17 октябри соли равон дар шаҳри Табрези Эрон доир хоҳад шуд. Дастаи мунтахаби футзали Тоҷикистон дар ин гурӯҳ бо дастаҳои миллии Афғонистону Эрон рақобат мекунад.
Хотиррасон менамоем, ки мусобиқа бо бозӣ миёни дастаҳои мунтахаби Афғонистон ва Эрон 15 октябр оғоз меёбад. Дастаи мунтахаби Тоҷикистон нахустин бозиашро дар мусобиқаи интихобӣ 16 октябр ба муқобили дастаи Афғонистон анҷом медиҳад.
Сабқати интихобӣ дар гурӯҳи «В» 17 октябр бо бозӣ байни дастаҳои мунтахаби Эрон ва Тоҷикистон ба поён мерасад. Ду дастаи беҳтарини ин гурӯҳ ба марҳилаи ниҳоии қаҳрамонии Осиё, ки аз 6 то 18 феврали соли 2018 баргузор мешавад, роҳ меёбанд.
Бояд зикр кард, ки дастаи мунтахаби Ӯзбекистон, ки дар мусобиқаи охирини қаҳрамонии Осиё бо медалҳои нуқра мукофотонида шудааст, дар сабқати интихобӣ бо дастаҳои Қирғизистон, Туркманистон ва Непал рақобат мекунад.
ФУТБОЛ. Имрӯз дастаҳои мунтахаби духтаронаи то 17-солаи Тоҷикистон ва Арабистони Саудӣ бо ҳам бозӣ мекунанд
Табрикоти Федератсияи байналмилалии футбол ба Президенти Федератсияи футболи Тоҷикистон муҳтарам Рустами Эмомалӣ
Ҷаласаи якуми ҳайати нави Кумитаи иҷроияи Федератсияи футболи Тоҷикистон доир гардид
Шайх Салмон бин Иброҳим Ал-Халифа Рустами Эмомалиро ба муносибати президенти Федератсияи футболи Тоҷикистон интихоб гардидан табрик намуд
ФУТБОЛ. Дастаи мунтахаби духтарони Тоҷикистон (U-17) тими Арабистони Саудиро мағлуб намуд
Пешвои миллат Эмомалӣ Раҳмон Президенти Кумитаи миллии олимпии Тоҷикистон интихоб шуданд
Рустами Эмомалӣ дубора Президенти Федератсияи футболи Тоҷикистон интихоб шуданд
«ҶОМИ ПРЕЗИДЕНТИ ҶУМҲУРИИ ТОҶИКИСТОН». Дар Хуҷанд мусобиқаи дуюми байналмилалии гӯштингирӣ доир шуд
Баргузории чорбинии муштараки Тоҷикистон ва Ню-Йорк ба муносибати Рӯзи ҷаҳонии футбол дар соли 2025 баррасӣ шуд
Варзишгарони тоҷик дар Чемпионати Осиё соҳиби панҷ медал гардиданд
ЛИГАИ ОЛИИ ТОҶИКИСТОН. «Истиқлол» бар дастаи футболи «Равшан»-и шаҳри Кӯлоб ғолиб омад
ФУТБОЛ. Дастаи мунтахаби духтаронаи Тоҷикистон бо ҳамсолон аз Арабистони Саудӣ бозии дӯстона анҷом медиҳад
