Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон

Август 22, 2017 16:52

ДУШАНБЕ, 22.08.2017. /АМИТ «Ховар»/ Пагоҳ, 23 августи соли ҷорӣ дар шаҳри Душанбе барои дарёфти Ҷоми Президенти Ҷумҳурии Тоҷикистон Мусобиқаи байналмилалӣ оид ба теннис байни наврасон доир мегардад.

Бино ба иттилои котиби генералии Федератсияи тенниси Ҷумҳурии Тоҷикистон  Мирҳусейн Яҳёев, дар мусобиқаи мазкур наврасон аз Тоҷикистон, Қазоқистон, Қирғизистон, Ӯзбекистон, Россия, Украина, Ҷумҳурии Исломии Афғонистон ва Туркия иштирок мекунанд.

Тавре аз Федератсияи тенниси Ҷумҳурии Тоҷикистон  ба хабарнигори АМИТ «Ховар» иттилоъ доданд, мусобиқаи мазкур то 27 август идома меёбад.

Бояд гуфт, ки омодагӣ ба ин мусобиқаи байналмилалӣ хуб буда, синни иштирок дар мусобиқа барои писарон то 14 ва духтарон то 16  муайян карда шудааст.

Мусобиқаи мазкур дар «Корти тенниси тобистона»-и КВД «Роҳи оҳани Тоҷикистон» баргузор гардида, он ба рушди ин намуди варзиш дар ҷумҳурӣ ва тарғиби тарзи ҳаёти солим такони нав мебахшад. Дар  мусобиқа   барои  ғолибони ҷои аввал ба духтарон ва писарон 7000 сомонӣ, барои ҷои дуюм 5600 сомонӣ, барои ҷои сеюм 3500 сомонӣ,  барои ҷои якум, дуюм ва сеюми ҷуфти духтарон ва  писарон мутаносибан 3500, 2800 ва 1750 сомонӣ  мукофот пешбинӣ шудааст.

Мавриди зикр аст, ки ҳоло соҳаи тарбияи    ҷисмонӣ ва варзиш  яке  аз самтҳои афзалиятноки  сиёсати  иҷтимоии   Ҳукумати кишвар ба ҳисоб рафта, он маҳз ба хотири таъмини оммавияти  варзиш, таҳкими тарзи ҳаёти солим, мусоидат ба омодакунии  варзишгарони  касбии  тоҷик барои  иштирок дар мусобиқаҳои бонуфузи байналмилалӣ равона гардидааст.

Баргузории ин мусобиқаи муҳим ба арафаи таҷлили 26-умин солгарди Истиқлолияти давлатӣ рост омадааст, бинобарин  он   рамзи муттаҳидӣ, ягонагӣ ва дӯстӣ миёни халқҳои гуногун мебошад. Бешубҳа, теннис миёни дӯстдорони варзиши тоҷик  шӯҳрати калон дошта, баҳри рушду ташаккули минбаъдаи он аз ҷониби Ҳукумати Ҷумҳурии Тоҷикистон тамоми тадбирҳо амалӣ мегарданд.

Хотиррасон менамоем, ки аввалин маротиба бо фармони  Президенти Ҷумҳурии  Тоҷикистон аз 19 марти соли 2005, нахустин Мусобиқаи  байналмилалӣ  оид  ба теннис байни  наврасон барои  дарёфти   Ҷоми Президенти   Ҷумҳурии  Тоҷикистон доир гардид. Сипас дар асоси  қарори  Ҳукумати Ҷумҳурии  Тоҷикистон аз 21 июли  соли  2006 дар шаҳри Душанбе  байни  наврасон  ҳамасола Мусобиқаи  байналмилалӣ  оид ба теннис барои дарёфти Ҷоми Президенти Ҷумҳурии Тоҷикистон гузаронида мешавад.

 

Август 22, 2017 16:52

Хабарҳои дигари ин бахш

БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд
Се варзишгари навраси тоҷик аз намуди бокс ба даври ниҳоии Бозиҳои сеюми кишварҳои ИДМ роҳ ёфтанд
ФУТБОЛ. Шервонӣ Мабатшоев ва Алишер Тухтаев беҳтарин бозингар ва мураббии моҳи сентябр дониста шуданд
Горан Стеванович сармураббии нави дастаи мунтахаби Тоҷикистон оид ба футбол таъин шуд
ФУТЗАЛ. 4 октябр бозии Суперҷоми Тоҷикистон-2025 баргузор мешавад
БОКС. Варзишгарони навраси тоҷик ба марҳилаи нимниҳоии Бозиҳои ИДМ-2025 роҳ ёфтанд
Дастаи «Истиқлол» аввалин ғалабаро дар Лигаи дуюми чемпионҳои КФО-2025/26 ба даст овард