«БИРАВ, ЗИ ТАҶРИБАИ РӮЗГОР БАҲРА БИГИР…». Дар Душанбе ба муносибати Рӯзи Рӯдакӣ ҳамоиши адабию фарҳангӣ баргузор гардид
ДУШАНБЕ, 23.09.2017 /АМИТ «Ховар»/. Шоми дирӯз дар назди муҷассамаи Асосгузори адабиёти классики тоҷику форс устод Абӯабдуллоҳ Рӯдакӣ, воқеъ дар саҳни Донишгоҳи аграрии Тоҷикистон ба номи Шириншоҳ Шоҳтемур ҳамоиши адабию фарҳангӣ баргузор гардид.
Тавре мухбири АМИТ «Ховар» иттилоъ медиҳад, дар ҷамъомад, ки ба ифтихори Рӯзи Рӯдакӣ роҳандозӣ шуд, намояндагони Ҳукумати Ҷумҳурии Тоҷикистон, олимон ва адибони маъруфи тоҷик, санъаткорон ва ҷавонон-ҳаводорони ашъори «Одамушшуаро» иштирок намуданд.
Президенти Академияи илмҳои Тоҷикистон Фарҳод Раҳимӣ дар расми ифтитоҳи ҷамъомад зикр кард, ки «Рӯзи Рудакӣ на танҳо иди бузургдошти сардафтари адабиёти оламгири тоҷику форс, балки иди мероси адабию илмӣ, фаннӣ ва ахлоқии беш аз ҳазорсолаи тоҷик, рӯзи ифтихор аз камолоти тамаддуни миллии мост».
Раиси Иттифоқи нависандагони Тоҷикистон Низом Қосим, шоир, сармуҳаррири маҷаллаи «Садои Шарқ» Рустам Ваҳҳобзода, адабиётшинос Абдунабӣ Сатторзода ва дигарон оид ба ҳаёту фаъолият ва осори шоир сухан карда, аҳамияти ашъор ва осори устод Рӯдакиро дар тарбияи худшиносии ҷавонон, хусусан дар Соли ҷавонон хеле муассир ва муҳим арзёбӣ намуданд.
Зикр шуд, ки «ашъор ва осори устод Рӯдакӣ ҳамеша пур аз ҳикмат ва таҷрибаи рӯзгор мебошанд. Худи шоир фармудааст:
Бирав зи таҷрибаи рӯзгор баҳра бигир,
Ки баҳри дафъи ҳаводис туро ба кор ояд…
Мактаби бузурги шоирие, ки бунёдгузори адабиёти тоҷику форс ҳанӯз беш аз ҳазор сол пеш ба мерос гузошта буд, ҳоло ҳам побарҷост ва тӯли садсолаҳо метавон аз ин мактаб сабақҳо бардошт».
Дар фарҷом ҳунармандон бо қироати сурудҳо бар ашъори устод Рӯдакӣ хотири ҳозиринро болида гардониданд.
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
