Муаррифии Тоҷикистон дар намоишгоҳи «JATA Tourism Expo Japan — 2017»
ДУШАНБЕ, 28.09.2017 /АМИТ «Ховар»/. 21-24 сентябри соли 2017 дар шаҳри Токиои Япония, дар Маркази намоишгоҳи байналмилалии “Tokyo Big Sight” машҳуртарин Намоишгоҳи байналмилалии сайёҳии «JATA Tourism Expo Japan — 2017» баргузор гардид.
Тавре аз Вазорати корҳои хориҷии Ҷумҳурии Тоҷикистон хабар доданд, Тоҷикистонро дар ин намоишгоҳ ширкати сайёҳии ватании “Сайру саёҳати кӯҳии Тоҷикистон” муаррифӣ намуда, иштирокчиён ва тамошобинонро зимни намоиш бо захираҳои бойи сайёҳии Тоҷикистон ошно намуд. Ҳамчунин буклету брошюраҳои иттилоотӣ бо забони японӣ оид ба барномаҳои сайёҳӣ манзараҳои нотакрори табиӣ, ёдгориҳои фарҳангиву таърихӣ, хӯрокҳои анъанавии миллӣ, хусусияти нодири шарқӣ, меҳмоннавозии самимӣ ва мавҷудияти инфрасохтори замонавии кишварро ба таври возеҳ инъикос намуданд.
Зимни баргузории намоишгоҳи мазкур Сафорати Ҷумҳурии Тоҷикистон дар ҳамкорӣ бо ширкати сайёҳии кишвари иқомат “All Season Travel” имкониятҳои васеи сайёҳии Тоҷикистонро ҷиҳати ҷалби сайёҳони ин кишвар мавриди тарғибу ташвиқ қарор дод.
Тибқи маълумоти ташкилкунандагони намоишгоҳ, соли 2016 намояндагони зиёда аз 128 кишвар аз минтақаҳои гуногуни ҷаҳон ба намоишгоҳи «JATA Tourism EXPO Japan» таваҷҷуҳ зоҳир намуда, беш аз 1790 ширкати сайёҳӣ дар он иштирок карданд.
Муаррифии имконоти сайёҳии Тоҷикистон дар намоишгоҳи байналмилалии сайёҳии «JATA Tourism EXPO Japan» барои афзоиш додани шумораи сайёҳони японӣ муфид хоҳад буд.
Намояндагони Тоҷикистон барои саҳмгузорӣ дар рушди иқтисод дар ИДМ соҳиби ҷоизаи «Лидер СНГ» шуданд
«Интернет барои хона» боз дар 6000 манзили истиқоматии Душанбе дастрас гардид
Имрӯз дар баъзе ноҳияҳои Тоҷикистон борони бошиддат пешгӯӣ мешавад
Тӯфони «Тораҷи» ба соҳилҳои Филиппин расид
Имрӯз дар Тоҷикистон ҳаво тағйирёбандаи бебориш пешгӯӣ мешавад
Зимни тирпаронӣ дар донишгоҳ дар иёлати Алабамаи Амрико як нафар ҳалок ва донишҷӯён маҷруҳ шудаанд
Наҷотдиҳандагони Кумитаи ҳолатҳои фавқулода ва мудофиаи гражданӣ усулҳои нави кумакрасонӣ ба осебдидагонро омӯхтанд
КОНФЕРЕНСИЯИ COP29. Роҳбарони 80 давлат ва ҳукумат дар Боку масоили иқлимро баррасӣ менамоянд
Заминларзаҳо дар Куба боиси ярчфароӣ ва вайроншавии манзилҳои истиқоматӣ гардиданд
Сигэру Исибаро сарвазири Ҷопон интихоб намуданд
«ПЕШВОИ МИЛЛАТ-КАФИЛИ САОДАТ ВА ИФТИХОРИ ҶАВОНОН». Ҳамоиши ҷавонони шаҳри Душанбе ва вилояти Суғд доир мешавад
Боғи фарҳангию фароғатии «Ғалаба»-и шаҳри Хуҷанд навсозӣ мешавад
