ФУТБОЛ: «Барқчӣ» бар дастаи «Вахш»-и Қӯрғонтеппа ғолиб омад

ДУШАНБЕ, 13.10.2017 /АМИТ «Ховар»/. Дар бозии мавқуфмондаи даври 20-уми Чемпионати Тоҷикистон дастаи футболи  «Барқчӣ»-и шаҳри Ҳисор бар дастаи футболи  «Вахш»-и Қӯрғонтеппа  бо ҳисоби 1:0 ғолиб  омад.

Тавре аз Федератсияи футболи Тоҷикистон ба  хабарнигори  АМИТ «Ховар» иттилоъ доданд, ягона голи  ин вохӯриро дар дақиқаи 57-ум бозингари  ботаҷрибаи дастаи футболи  «Барқчӣ»-и шаҳри Ҳисор Далер Ёдгоров ба  ҳадаф расонид.

Хотиррасон менамоем, ки  дастаи футболи  «Барқчӣ» пас  аз ин пирӯзӣ дорои 3 имтиёзи дигар шуда, феълан дар зинаи 5-уми ҷадвали умумии нишондодҳо қарор гирифт.