Таҷлили Рӯзи забони давлатӣ дар Маркази исломшиносӣ
ДУШАНБЕ, 05.10.2017 /АМИТ «Ховар»/. Дар Маркази исломшиносӣ дар назди Президенти Ҷумҳурии Тоҷикистон ба муносибати Рўзи забони давлатии Ҷумҳурии Тоҷикистон ҳамоиши илмӣ-назариявӣ баргузор гардид. Дар ҳамоиш директори Марказ гузориши илмиро дар мавзўи «Заминаҳои эҳёи забони тоҷикӣ дар матни фарҳанги исломӣ» ба муҳокимаи иштирокдорон пешниҳод намуд.
Гузориши мазкур дар ҳафт қисмат табақабандӣ шуда, нахуст, дар бораи таъсиргузории падидаи фарҳангии форсӣ ба муҳити арабтаборон тавассути давлати хурди Лахмиён ва туббаъҳои Яман (подшоҳони яманиро чунин ном мебурданд) маълумот дода шуд.
Сипас, дар атрофи нақши Салмони Форсӣ ҳамчун саҳобаи машҳури пайғамбари ислом (с) ва аҳамияти осори ў дар муаррифии шоистаи мардуми форснажод дар садри ислом далелҳои сарчашмавӣ оварда шуданд. Зикр карда шуд, ки то густариши ислом дар минтақаи Варорўд забони суғдӣ ва гўйишҳои тавонои он ба мисли хоразмӣ, хутанӣ ва бохтарӣ дар дарозои хатсайрҳои Роҳи бузурги абрешим ба сифати забони муоширати сиёсӣ, фарҳангӣ ва бозаргонӣ барои худ нишемангоҳи устуворе омода сохта будаанд. Дар матлаби чаҳоруми гузориш нақши ватандўстонаи поягузорони давлатҳои нахустини миллии тоҷикон – Тоҳириён, Саффориён ва Сомониён дар мақоми давлатӣ гирифтан ва ба забони дуюми расмии дини ислом мубаддал гаштани он бо далелҳои муътамад баҳогузорӣ гардид. Дар ин замина нақши мактаби тарҷумонӣ ва анҷом додани нахустин тарҷумаи Қуръон ба забони форсии дарӣ дар аҳди амирони сомонӣ омили муҳими давлатдорӣ ва миллатсозӣ барои тоҷикон будааст. Воқеан намунаи насру назми даврони Сомониён садаи дурахшони таърихи куҳанбунёди тоҷикон ва тамоми мардумони форснажод мебошад.
Ҳамчунин зикр гардид, ки дар шароити кунунӣ нақши Пешвои миллати тоҷикон муҳтарам Эмомалӣ Раҳмон дар густариш додани доираи истифодаи забони тоҷикӣ дар коргузории давлатӣ ва зимни суханрониҳо аз минбарҳои баланди байналмилалӣ истифода бурдани он шоистаи таҳсин ва ифтихормандии шаҳрвандони ҷумҳурии мост.
Дар ҳамоиш атрофи масъалаҳои мавриди баҳс аз ҷониби олимону мутахассисони Марказ муҳокима ва андешаҳои судманд баён гардиданд.
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
