Кормандони идораву муассисаҳои шаҳри Хоруғ бо ҳам футболи хурд мебозанд
ХОРУҒ, 5.12.2017 /АМИТ “Ховар”/. Раёсати ҷавонон ва варзиш дар ҳамдастӣ бо Бахши вилоятии Федератсияи футбол дар Маҷмааи варзишии шаҳри Хоруғ байни кормандони идораву муассисаҳои давлатӣ ва ташкилотҳои ҷамъиятию хусусӣ мусобиқа аз намуди футболи хурдро ба роҳ мондаанд. Барои ширкат дар ин сабқат 22 даста дархост пешниҳод карданд. Ба гуфтаи раиси бахши вилоятии Федератсияи футбол Аноятшо Аноятшоев, “дар мусобиқа синни варзишгарон ба инобат гирифта намешавад. Мутобиқи феҳристе, ки дастаҳо ба мо пешниҳод кардаанд, хурдтарин бозингар 18 сол дорад ва калонтаринашон аз 60- сола болост. Мақсади мо рушди ҳарчӣ бештари ин намуди варзиш ва ба ин васила, таъсис додани дастаи мунтахаби касбӣ ва роҳхат гирифтан ба лигаи олии футболи мамлакат мебошад. Зеро то имрӯз ягон даста на дар лигаи миёна ва на дар олӣ ҳузур надорад. Умедворем, ки аз баҳори соли оянда дастаи мунтахаби Бадахшон низ ба сабқатҳои ҷумҳуриявӣ ворид мегардад”.
Мусобиқа рӯзи шанбеи ҳар ҳафта гузаронида шуда, то моҳи март идома меёбад. Баъди панҷумин даври мусобиқа дастаҳои “Нақлиёт” ва “Помирэнерҷӣ” дар сархати ҷадвал қарор доранд. Дастаи бозори “20- солагии истиқлолият” мақоми сеюмро ишғол мекунад. Дастаҳои “Тселл” ва “Раёсати ҳифзи муҳити зист” дар поёни ҷадвали мусобиқа ҷо гирифтаанд.
Пагоҳ дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
