Дар Душанбе ҷаласаҳои комиссияҳои байниҳукуматии Ҷумҳурии Тоҷикистон ва Ҷумҳурии Ӯзбекистон баргузор гардиданд
ДУШАНБЕ, 11.01.2018 /АМИТ «Ховар»/. 10 январ дар шаҳри Душанбе ҷаласаҳои комиссияҳои байниҳукуматии Ҷумҳурии Тоҷикистон ва Ҷумҳурии Ӯзбекистон оид ба ҳамкории иқтисодию тиҷоратӣ ва оид ба делимитатсия ва демаркатсияи сарҳади байнидавлатии Тоҷикистон ва Ӯзбекистон баргузор гардид. Кори ҷаласаҳои комиссияҳои байниҳукуматӣ таҳти раёсати Сарвазири Ҷумҳурии Тоҷикистон Қоҳир Расулзода ва Сарвазири Ҷумҳурии Ӯзбекистон Абдулло Орипов ҷараён гирифт.
Дар ҷараёни гуфтугӯҳои судманди байниҳукуматӣ таваҷҷуҳи зиёд ба масъалаи рушду тавсеаи бештари ҳамкории дуҷонибаи Тоҷикистон ва Ӯзбекистон дар заминаи дӯстию ҳамсоягии нек зоҳир карда шуд.
Вохӯриҳои дуҷониба дар фазои ҳамдигарфаҳмӣ ва ҳусни тафоҳуми комил баргузор шуданд.
Дар кори ҷаласаҳои комиссияҳои байниҳукуматӣ масоили муҳими ҳамкории дуҷонибаи Тоҷикистон ва Ӯзбекистон, аз ҷумла, масъалаҳои вобаста ба самтҳои афзалиятноки ҳамкории байнидавлатӣ дар соҳаҳои иқтисоду тиҷорат, нақлиёт, саноат, фарҳанг ва маориф мавриди баррасӣ қарор дода шуданд.
Таваҷҷуҳи асосӣ ба масъалаи омодасозии шароити сафари давлатии дар пешистодаи Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон нигаронида шуд.
Ҳамчунин дар кори ин ҷаласаҳо нақшаи тадбирҳои муштараки дуҷониба доир ба делимитатсия ва демаркатсияи сарҳади байнидавлатии Тоҷикистон ва Ӯзбекистон ва тадбирҳои вобаста ба рафтуомади шаҳрвандони ду давлат ба қаламрави ҳамдигар, инчунин ҳалли масъалаҳои марбут ба онҳо мавриди баррасӣ қарор дода шуд.
Ҷонибҳо самтҳои муҳими ҳамкории мутақобилан судманди иқтисодиву тиҷоратӣ, амалисозии лоиҳаҳои муштараки дорои хусусияти минтақавӣ ва тақвияти муносибатҳои фарҳангиро барои оянда мавриди баррасӣ қарор доданд.
Изҳори умедворӣ карда шуд, ки натиҷаи гуфтушунидҳои баргузоргардида омили муҳими тақвияти ҳамкории гуногунҷанбаи дуҷониба байни Ҷумҳурии Тоҷикистон ва Ҷумҳурии Ӯзбекистон мегардад.
Дар анҷоми кори ҷаласаҳои комиссияҳои байниҳукуматӣ санадҳои дахлдор ба имзо расиданд.
Хотиррасон мешавем, ки Сарвазири Ҷумҳурии Ӯзбекистон Абдулло Орипов субҳи 10 январ бо сафари корӣ ба Тоҷикистон ташриф овард. Дар доираи ин сафар меҳмони олиқадрро Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳузур пазируфта, доир ба масоили муҳими ҳамкории дуҷонибаи байнидавлатӣ табодули афкор намуданд.
Сафири Тоҷикистон дар мулоқот бо Губернатори замини Штирияи Австрия иштирок намуд
Дар Амстердам Ҷашни байналмилалии Наврӯзро таҷлил намуданд
Дар Ҷумҳурии Корея таҳти унвони «Наврӯз — пули пайвандгари фарҳангҳо ва тамаддунҳо» ҳамоиш доир гардид
РАВАНДИ ОБИ ДУШАНБЕ. Чорабиниҳои иловагӣ барои таблиғи идеяҳои калидӣ платформаи иловагӣ фароҳам меоранд
Ҷашни байналмилалии Наврӯзро дар шаҳри Ҳамбург таҷлил намуданд
Дар доираи Конфронси Душанбе оид ба Даҳсолаи амал «Об барои рушди устувор» шаш ҷаласаи мавзуӣ баргузор мегардад
Дар Ҷумҳурии Корея Наврӯзро пуршукуҳ таҷлил намуданд
Бақайдгирии намояндагони ВАО барои иштирок дар Конфронси чоруми оби Душанбе оғоз шуд
Сафири Тоҷикистон бо мушовири Президенти Федералии Австрия оид ба сиёсати хориҷӣ мулоқот намуд
Сироҷиддин Муҳриддин бо муовини Дабири кулли СММ оид ба масъалаҳои иқтисодӣ ва иҷтимоӣ Ли Ҷунҳуа мулоқот намуд
Дар Ню-Йорк бо ибтикори Тоҷикистон бахшида ба Рӯзи ҷаҳонии пиряхҳо ҳамоиш баргузор гардид
