О –ФА-РИН! Мактабиёни тоҷик дар 14-умин Олимпиадаи байналмилалии «IZHO-2018» соҳиби 11 медал шуданд
ДУШАНБЕ, 16.01.2018 /АМИТ «Ховар»/. Аз 10 то 16 январи соли равон дар шаҳри Алмаатои Ҷумҳурии Қазоқистон 14-умин Олимпиадаи байналмилалии «IZHO-2018» аз фанҳои физика, математика ва технологияи иттилоотӣ баргузор гардид.
Дар олимпиадаи мазкур довталабон аз 15 давлати дунё: Тоҷикистон, Россия, Гурҷистон, Арманистон, Қазоқистон, Беларус, Ӯзбекистон, Қирғизистон, Туркманистон, Туркия, Индонезия, Сербия, Руминия ва Булғория ҷамъ омада, байни ҳам рақобат намуданд.
Тавре ба АМИТ «Ховар» аз Муассисаи давлатии Маркази ҷумҳуриявии дарёфт ва рушди истеъдодҳо хабар доданд, дар олимпиада Тоҷикистонро 5 даста муаррифӣ намуда, новобаста аз рақибони пурзӯр онҳо тавонистанд миёни дигар кишварҳо бо сазовор гардидани ҷойҳои ифтихорӣ Парчами ҷумҳуриро боло бардоранд.
Дар 14-умин Олимпиадаи байналмилалии Жаутиков Абубакр Усмонов сазовори ҷойи аввал ва медали тилло гардид. Инчунин Меҳрон Бобохонов, Наимҷон Хонҷонов, хонандагони Муассисаи таълимии хусусии литсей-интернати тоҷикӣ-русии «Ҳотам ва П.В» аз фанни математика, Фарҳод Ҳакимиён, хонандаи Муассисаи давлатии таълимии «Литсей барои хонандагони болаёқат» дар шаҳри Душанбе аз фанни технологияи иттилоотӣ сазовори ҷойи дуюм ва медали нуқра гардиданд. Сабина Абдураҳмонова аз фанни физика, Парвизҷон Алиев ва Муҳаммадҷон Кличев аз фанни математика аз Муассисаи давлатии таълимии «Литсей барои хонандагони болаёқат» дар шаҳри Душанбе, Далер Пиров, Фараҳманд Ҳасанов аз фанни физика, Комрон Абдуллоев аз математика, Хусрав Ашурзода аз фанни технологияи иттилоотӣ аз Муассисаи таълимии хусусии литсей-интернати тоҷикӣ-русии «Ҳотам ва П.В» сазовори ҷойи сеюм ва соҳиби медали биринҷӣ шуданд.
Дар маҷмӯъ, хонандагони тоҷик соҳиби 11 ҷойи ифтихорӣ: 1 медали тилло, 3 медали нуқра ва 7 медали биринҷӣ гардиданд, ки нисбат ба соли 2017 (соли 2017: 2 медали нуқра, 5 медали биринҷӣ) 4 медал зиёд мебошад.
Ғолибони олимпиада имрӯз ба Тоҷикистон баргаштанд.
Натиҷаи ғолибияти хонандагони муассисаҳои таҳсилоти умумии ҷумҳурӣ дар 14-умин Олимпиадаи байналмилалии Жаутиков
| Фанҳо |
Ҷойҳои ифтихорӣ |
|||
| I
тилло |
II
нуқра |
III
биринҷӣ |
Ҷамъ | |
| Математика | 1 | 2 | 3 | 6 |
| Физика | 3 | 3 | ||
| Технологияи иттилоотӣ | 1 | 1 | 2 | |
| Дар умум | 1 | 3 | 7 | 11 |
Фаронсаро тӯфони «Флориан» фаро гирифтааст
ИНТИХОБОТИ ВАКИЛОНИ ХАЛҚ-2025. Панҷ комиссияи ҳавзавии интихобот оид ба интихоботи аъзои Маҷлиси миллии Маҷлиси Олии Ҷумҳурии Тоҷикистон таъсис дода шуд
Дар натиҷаи заминларза дар Чин 95 нафар ҳалок гардида, 130 нафар захмӣ шуданд
Дар ноҳияи Ишкошим пайомадҳои тарма бартараф карда мешаванд
Бар асари барфрезии шадид дар ИМА чаҳор нафар ҳалок гардид
Соли нави «рақамӣ»: Чӣ тавр муштариёни ширкати «МегаФон Тоҷикистон» наздикони худро табрик намуданд
Имрӯз дар баъзе ноҳияҳои Тоҷикистон туман мефарояд
Дар Туркия сардии ҳаво то 33 дараҷа расидааст
Дар натиҷаи таркиш дар Покистон 4 нафар ҳалок ва 32 нафар захмӣ гардид
Донишгоҳи давлатии Бохтар соли 2024 ба даҳгонаи аввали муассисаҳои таҳсилоти олии касбии Тоҷикистон дохил гардид
Дар Минтақаи озоди иқтисодии «Данғара» корхонаи истеҳсоли кошин сохта мешавад
Дар шарқи Канада бар асари шамолҳои тӯфонӣ ҳазорон нафар бе барқ монданд
