«Ҳунари рассомии Ҳиндустон ва Тоҷикистон»-ҳамоиш дар доираи 25-солагии муносибатҳои дипломатии Тоҷикистону Ҳиндустон

Январь 17, 2018 16:04

ДУШАНБЕ, 17.01.2018 /АМИТ «Ховар»/.  «Ҳунари рассомии Ҳиндустон ва Тоҷикистон»-таҳти чунин унвон дар Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон бахшида ба 25солагии муносибатҳои дипломатии байни Тоҷикистону Ҳиндустон шашумин маърузаи  ҷашнӣ доир гардид.

Институти омӯзиши масъалаҳои давлатҳои Осиё ва Аврупо, Сафорати Ҳиндустон дар Тоҷикистон ва Ҷамъияти дӯстии Тоҷикистон ва Ҳиндустон аз ташкилкунандагони асосии  ҳамоиш ба ҳисоб мераванд.

Муовини директори Институт Нарзулло Амиров зикр кард, ки чунин ҳамоишҳо имконият медиҳанд, ки донишмандон ва ҳаводорон оид ба фарҳанги муштараки Тоҷикистону Ҳиндустон маълумоти зарурӣ гиранд. «Дар ҳамоиши имрӯза мавзӯи ҳунари рассомии Тоҷикистону Ҳиндустон мавриди баррасӣ қарор мегирад ва ба ин восита иштирокдорон метавонанд оид ба рушди ҳунари рассомии Ҳиндустон ва таъсири он ба ҳунари рассомии Тоҷикистон маълумот гиранд»,- гуфт Н. Амиров.

Котиби дуюми Сафорати Ҳиндустон дар Ҷумҳурии Тоҷикистон Мидҳун Рагҳаван оид ба намудҳои анъанавии рассомии Ҳиндустон, алоқаи байни санъати тасвирии Осиёи Марказиву Ҳиндустон, рассомони муосири Ҳиндустон ва сабки онҳо маълумот дод.

Номбурда иброз намуд, ки намудҳои анъанавии рассомии Ҳиндустон- ин тасвирҳо дар сангу мағораҳо, рассомии мадҳубанӣ, майсурӣ, танҷорӣ, минётур, муғулҳо, пахарӣ, раҷпутӣ мебошанд. Ӯ гуфт, ки тасвирҳои сангу мағораҳои Бҳимбедка, ки дар музофоти Мадҳя Прадеш ҷойгир аст, тасвирҳои дорои таърихи 30000-сола ва тасвири манзараҳои ҳаёти ҳаррӯза мебошанд. Инҳо тасвирҳое мебошанд, ки марҳилаҳои гуногуни фарҳанги Ҳиндустонро инъикос менамоянд.

Раиси Ҷамъияти дӯстии Тоҷикистон ва Ҳиндустон, профессор Ҳабибулло Раҷабов дар суҳбат ба хабарнигори АМИТ «Ховар»  иброз намуд, ки вақте ба офаридаҳои рассомони ин мамлакати афсонавӣ назар мекунӣ, эҳсос мекунӣ, ки дар ҳунари рассомони машҳури Ҳиндустон таъсири рассомони Ғарб бештар дида мешавад. «Ин гуна ҷамъомадҳо аз як тараф, аз доштани равобити ҳасанаи ду давлати дӯст шаҳодат диҳанд, аз тарафи дигар, ба иштирокдорон-донишҷӯён имконият фароҳам меоваранд, ки  бо санъати рассомӣ ва рассомони машҳури Ҳиндустон шинос гарданд»,-илова намуд Ҳ. Раҷабов.

 

 

Январь 17, 2018 16:04

Хабарҳои дигари ин бахш

Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд