Дастаи мунтахаби футболи Тоҷикистон дар рейтинги нави ФИФА ба шаш зина боло рафт

ДУШАНБЕ, 12.04.2018 /АМИТ «Ховар»/. Федератсияи байналмилалии футбол (ФИФА) имрӯз, 12 апрел раддабандии нави дастаҳои мунтахаби футболи ҷаҳонро нашр намуд.  Дар ин бора ба АМИТ «Ховар» аз Хадамоти матбуоти Федератсияи футболи Тоҷикистон хабар доданд.

Дастаи мунтахаби Тоҷикистон оид ба футбол дар раддабандии нави Федератсияи байналмилалии футбол 6 зина боло рафта, дар мавқеи 118-ум бо 271 имтиёз қарор гирифт.

Тоҷикистон дар байни 46 дастаи Конфедератсияи футболи Осиё мақоми 22-юмро касб намуд.

Раддабандии навбатии Федератсияи байналмилалии футбол  17 май ба нашр мерасад.