Истиқболи ҳайати намояндагони вилояти Суғд дар Самарқанд

Апрель 21, 2018 11:45

ДУШАНБЕ, 21.04.2018. /АМИТ «Ховар»/. Дар партави сиёсати пешгирифтаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муносиботи дӯстона бо ҳамсоякишварҳо таҳким меёбад.

Аз ҷумла, мулоқоту музокироти сатҳи олӣ миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳури Ӯзбекистон Шавкат Мирзиёв, ки моҳи марти соли равон дар шаҳри Душанбе баргузор шуд, дар таърихи муносибатҳои мардумони тоҷику ӯзбек саҳифаи навро боз намуд.

Дар заминаи созишномаҳои баимзорасонидаи ҷонибҳо равуои сокинони Тоҷикистону Ӯзбекистон ба қаламрави ҳамдигар осон шуда, муносибатҳои дӯстона рӯз аз рӯз рушд меёбанд.

Баргузории Рӯзҳои фарҳангии вилояти Суғди Ҷумҳурии Тоҷикистон дар вилояти Самарқанди Ҷумҳурии Ӯзбекистон ва ташкили намоиши маҳсулоти корхонаҳои саноативу бозии дустона миёни дастаҳои футболи «Динамо» ва «Хуҷанд» худ гувоҳи он аст, ки марҳилаи нави ҳамкории дӯстона фаро расидааст.

Тавре аз Хадамоти матбуоти Мақомоти иҷроияи ҳокимияти давлатии вилояти Суғд ба АМИТ «Ховар» хабар доданд, 20 апрел бо мақсади иштирок дар Рӯзҳои фарҳангии вилояти Суғд дар вилояти Самарқанди Ҷумҳурии Ӯзбекистон гурӯҳи калони намояндагони вилоят бо роҳбарии Раиси вилояти Суғд Раҷаббой Аҳмадзода озими шаҳри Самарқанд шуд.

Намояндагони вилояти Суғдро дар гузаргоҳи сарҳадии «Ҷартеппа» ҳокими вилояти Самарқанд Туробҷон Ҷӯраев ва фаъолону сокинони минтақаҳои наздисарҳадӣ гарму самимӣ истиқбол намуданд.

Ба муносибати ташрифи меҳмонон дар гузаргоҳи сарҳадии «Ҷартеппа» барномаи фарҳангӣ намоиш дода шуд.

Ёдовар мешавем, ки тибқи нақшаи чорабиниҳои Рӯзҳои фарҳанги Суғд дар Самарқанд, дар шаҳри Самарқанд бо иштироки санъаткорони вилояти Суғд барномаи калони консертӣ баргузор карда мешавад. Ҳамзамон миёни доираҳои тиҷоратии ду вилоят Бизнес-форум ва намоиши маҳсулоти корхонаҳои саноатии ҷонибҳо ташкил хоҳад шуд, ки дар доираи он ба имзорасии созишномаҳои ҳамкорӣ дар назар аст.

Апрель 21, 2018 11:45

Хабарҳои дигари ин бахш

Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид