Дар Душанбе Конфронси байналмилалӣ оид ба мероси Мавлоно Ҷалолиддини Балхӣ баргузор мегардад
ДУШАНБЕ, 25.05.2018. /АМИТ «Ховар»/. Аввали моҳи октябри соли 2018 дар шаҳри Душанбе Конфронси байналмилалӣ оид ба мероси Мавлоно Ҷалолиддини Балхӣ баргузор мегардад, ки ба кори он намояндагони аҳли адаби ҷумҳуриҳои Афғонистон, Покистон Туркия ва Россия даъват шудаанд.
Дар робита ба ин дирӯз дар Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон бо олимону муҳаққиқони мавлавишиноси Туркия вохӯрӣ баргузор гардид.
Дар вохӯрӣ муовини Президенти Академияи илмҳои Ҷумҳурии Тоҷикистон Кароматулло Олимов, шоир Аскар Ҳаким, директори Институти омӯзиши масъалаҳои давлатҳои Осиё ва Аврупо Ёрмаҳмад Ниёзӣ ва ноиби президенти намояндагии Агентии Туркия оид ба ҳамкорӣ ва ҳамоҳангсозӣ (TIKA) Меҳмет Сурейа Йер, профессори Донишгоҳи Анқара Ҳиҷаби Кирлангич, профессори Донишгоҳи Кериккале Аднан Кара Исмаилоғлу, директори минтақавии Қуния оид ба кор бо дастхатҳо Бекир Шаҳин ширкат доштанд.
Ёрмаҳмад Ниёзӣ доир ба омодагиҳо ба ҳамоиши дарпешистода маълумот дода, зикр кард, ки конфронси мазкур барои таҳқиқи осори Мавлоно заминаи хуб хоҳад гузошт.
Кароматулло Олимов дар бораи шахсият ва осори Мавлоно Ҷалолиддини Балхӣ изҳори андеша намуда, зикр кард, ки ин кофронс барои таҳкими дӯстӣ ва таҳқиқи илм нақши бузург мебозад. «Боиси хушнудист, ки Президенти Ҷумҳурии Тоҷикистон муҳтарам Эмомалӣ Раҳмон ба мероси гузашта, махсусан ба мероси гаронбаҳои Мавлоно Ҷалолиддини Балхӣ таваҷҷуҳи махсус доранд ва дар суханрониҳояшон нақши Мавлоно хело хуб таҷассум ёфтааст»,- илова намуд К. Олимов.
Меҳмет Суреййа Йер, Али Темизел, Аднан Кара Исмаилоғлу ва Бекир Шаҳин оид ба нақши Мавлоно дар илму адабиёти ҷаҳонӣ ибрози назар намуда, зикр карданд, воқеан ҳам Мавлоно Ҷалолиддини Балхӣ фарзанди Тоҷикистон аст, зеро ӯ бештари ҳаёти худро дар ин сарзамин гузаронидааст. Инчунин изҳори умед карда шуд, ки конфронси дар пешистода барои густариши равобити ду давлат дар самти мавлоношиносӣ ва мероси хатии он василаи хуб хоҳад буд.
Дар охир меҳмонон ва ҳозирин аз Гӯшаи Туркия дар Институти омӯзиши масъалаҳои давлатҳои Осиё ва Аврупо дидан намуданд.
МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
