«ТУ БЕҲТАРИН!». Намояндаи Тоҷикистон Меҳрона Ғайбуллоева ба даври нимниҳоӣ роҳ ёфт
ДУШАНБЕ, 07.05.2018 /АМИТ «Ховар»/. Намояндаи Тоҷикистон Меҳрона Ғайбуллоева бо иҷрои таронаи сарояндаи машҳури Россия Земфира «Ман туро ҷустам» («Я искала тебя») ба даври нимниҳоии озмуни «Ту беҳтарин» роҳ ёфт.
«Мо аз муваффақияти Меҳрона бисёр хушҳолем ва аз самими қалб ӯро табрик менамоем. Ӯ аз марҳилаи якум ва дуюми Озмуни байналмилалии вокалии «Ту беҳтарин» бомуваффақият гузашта, ҳоло ба даври ниманиҳоӣ омодагӣ мегирад», — иттилоъ дод ба АМИТ «Ховар» муовини директор оид ба таълими Муассисаи давлатии «Коллеҷи санъати шаҳри Душанбе ба номи А. Бобоқулов» Баҳром Назаров.
Ин бор ба санъати овозхонии ӯ се узви ҳайати ҳакамон — Виктор Дробиш, Юлианна Караулова ва Сергей Лазарев баҳои баланд доданд.
Ёдовар мешавем, ки Меҳрона Ғайбуллоева донишҷўи курси 1-уми шуъбаи сурудхонии академии Муассисаи давлатии «Коллеҷи санъати шаҳри Душанбе» ба номи Аҳмад Бобоқулов буда, моҳи феврали соли равон дар Озмуни байналмилалии телевизионии вокалии «Ту беҳтарин!»-и ширкати телевизионии «НТВ»-и Федератсияи Россия ширкат варзид ва ба даври дуюм роҳ ёфт.
Бояд гуфт, ки озмуни «Ту беҳтарин!» ба кӯдакони соҳибистеъдоде, ки ятиманд, имкон медиҳад қувваю истеъдоди худро санҷида, дар саҳнаҳои бузург сурудхонӣ намоянд. Ба озмуни «Ту беҳтарин!» ҳамасола беҳтаринҳо роҳ меёбанд. Дар озмуни мазкур 82 навраси аз 8 то 18-сола аз Россия, Озарбойҷон, Арманистон, Беларус, Молдова, Латвия, Эстония, Қазоқистон, Осетияи Ҷанубӣ, Германия ва Сурия иштирок намуданд. Меҳрона низ яке аз беҳтаринҳое мебошад, ки дар байни 82 нафар ҳунарнамоӣ карда, баҳои баланди ҳайати ҳакамонро сазовор гардид. Меҳрона аз хурдӣ аз падару модар ятим монда, хатмкардаи Мактаб– интернати №1–и шаҳри Душанбе мебошад.
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
