Асабшиноси маъруфи Тоҷикистон Раҳматулло Раҳмонов аз олам даргузашт
ДУШАНБЕ, 11.07.2018. /АМИТ «Ховар» /. Субҳи имрӯз асабшиноси маъруфи Тоҷикистон, доктори илмҳои тиб, профессор Раҳматулло Раҳмонов дар синни 56-солагӣ аз олам даргузашт.
Раҳматулло Раҳмонов ба ҳайси ноиби президенти Академияи илмҳои тибби Тоҷикистон, сармутахассиси Вазорати тандурустӣ ва ҳифзи иҷтимоии аҳолии ҷумҳурӣ, раиси Ҷамъияти асабшиносони мамлакат «Нейрон», мудири кафедраи асабшиносӣ ва асосҳои ирсияти тиббии Донишгоҳи давлатии тиббии Тоҷикистон фаъолият кардааст.
Марҳум яке аз олимон ва табибони беҳтарини кишварамон буда, мақолаҳои илмии ӯ дар нашрияҳои ватаниву хориҷӣ чоп шудаанд. Ӯ ҳамчунин узви кумитаҳои илмии симпозиумҳои байналмилалӣ интихоб шудааст. Маҳз бо ташаббуси ӯ бори нахуст дар давоми солҳои соҳибистиқлолии мамлакат чанд сол пеш дар шаҳри Душанбе бо иштироки асабшиносони Тоҷикистон, Россия, Қазоқистон, Гурҷистон ва дигар давлатҳо конфронси байналмилалӣ баргузор гардид, ки дар он роҳҳои муосири табобат ва ташхиси бемориҳои асаб баррасӣ шуданд.
Ҷамъияти «Нейрон», ки онро Раҳматулло Раҳмонов роҳбарӣ менамуд, айни ҳол тақрибан 600 нафар асабшиносони Тоҷикистонро муттаҳид намуда, бо ҳамкасбон аз кишварҳои гуногуни ИДМ, билхоса бо муассисаҳои соҳавии илмӣ ба монанди Маркази илмии асабшиносии Академияи илмҳои тибби Россия ҳамкории зич дорад. Ҷамъият яке аз муассисони Ташкилоти ассотсиатсияҳои байналмилалии асабшиносӣ ва нейроилмҳо мебошад. Бо дарназардошти он, ки асабшиносӣ дар соҳаи тиб самти муосири ба бемориҳои дилу рагҳо ва паталогҳои гуногуни системаи асаб нигаронидашуда мебошад, Раҳматулло Раҳмонов дар ин соҳа мутахассиси ноёби кишвари мо буд.
Ӯ дӯсти деринаи АМИТ «Ховар» буд ва ҳамеша бо хабарнигорони мо ҳамкорӣ дошт. Мо аз фавти бармаҳали Раҳматулло Раҳмонов сахт андӯҳгин буда, ба наздикону пайвандони марҳум изҳори ҳамдардии амиқ менамоем.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
