Азизмамад Каримзода: «Дар шаш моҳи соли равон дар ҷумҳурӣ 8133 ҳолати вайронкунии қонунгузории замин ошкор гардидааст»
ДУШАНБЕ, 20.07.2018. /АМИТ «Ховар»/. Дар шаш моҳи соли 2018 Кумитаи давлатӣ ва зерсохтори он дар маҳал 8133 ҳолати вайронкунии қонунгузории заминро ошкор намуданд. Аз ин миқдор нисбат ба 6771 ҳолат санаду қарорҳои ҷаримабандӣ қабул шудаанд, ки маблағи он 2 миллиону 633 ҳазору 465 сомониро ташкил медиҳад. Барои додани баҳои ҳуқуқӣ 553 мавод ба прокуратура, 257 мавод барои маҷбуран ситонидани маблағи ҷаримаҳо ба суд ирсол гардиданд. 5855 ҳолати вайронкунии қонунгузории замин дар маҳал бартараф карда шудааст. Ин маълумотро имрӯз зимни нишасти матбуотӣ муовини аввали раиси Кумитаи давлатии идораи замин ва геодезии Ҷумҳурии Тоҷикистон Азизмамад Каримзода ба хабарнигорон пешниҳод намуд.
Номбурда ҳамчунин зикр кард, ки «агар фаъолияти Кумитаро дар шаш моҳи соли 2018 таҳлил ва онро бо ҳамин давраи соли 2017 муқоиса намоем, пас маълум мегардад, ки имсол 1818 адад парвандаҳои маъмурӣ тартиб дода шуда, барои додани баҳои ҳуқуқӣ 141 мавод зиёдтар ба прокуратура ирсол карда шудааст».
«Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъулин доир ба пешгирии вайронкунии қонунгузории замин пайваста дастуру супоришҳои мушаххас медиҳанд. Пешвои миллат, аз ҷумла, дар яке аз баромадҳояшон таъкид намуданд, ки «замин боигарии асосии мамлакати мост. Ояндаи ҷумҳурӣ, ояндаи халқи Тоҷикистон аз бисёр ҷиҳат ба он вобаста аст, ки муносибат ба замин дар кишвари мо чӣ гуна ба роҳ монда мешавад».
Аз ин рӯ, дар Кумитаи давлатӣ баҳри иҷрои дастуру супоришҳои Сарвари давлат ва Стратегияи муқовимат ба коррупсия ба таври доимӣ дар байни кормандон ва аҳолӣ ҷиҳати пешгирии вайронкунии қонунгузории замин корҳои назоратӣ, пешгирӣ, фаҳмондадиҳӣ ва тарғиботӣ бурда мешаванд», — афзуд А. Каримзода.
Рухсораи НУР,
АМИТ «Ховар»
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
