Дар шаҳри Душанбе Барномаи дастгирии рушди неруи инсонӣ муҳокима гардид
ДУШАНБЕ, 12.07.2018 /АМИТ «Ховар»/. Имрӯз дар шаҳри Душанбе бо иштироки намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Иттиҳоди Аврупо оид ба ҷамъбасти ҳисоботи Лоиҳаи кумаки техникии Иттиҳоди Аврупо оид ба Барномаи дастгирии рушди неруи инсонӣ ҷамъомад баргузор гардид.
Тавре мухбири АМИТ «Ховар» хабар медиҳад, дар ҷамъомади мазкур иштирокчиён масъалаҳои дурнамо ва қадамҳои минбаъда дар самти рушди соҳаҳои тандурустӣ ва ҳифзи иҷтимоии аҳолӣ, ҳамкорӣ бо Иттиҳоди Аврупо дар раванди ислоҳоти маблағгузории соҳаи тандурустӣ, дастрасии маводи доруворӣ ва лавозимоти тиббӣ ба аҳолӣ ва кор дар самти иттилоотонии идоракунии соҳаи тандурустиро баррасӣ намуданд.
Сармутахассиси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба системаи иттилоотии идоракунии тандурустӣ Сафар Сайфуддинов дар суҳбат бо мухбири АМИТ «Ховар» гуфт: «Дар давоми даҳ соли охир дар доираи дастгирии Ҳукумати мамлакат ва дар ҳамкорӣ бо Иттиҳоди Аврупо дастгирии рушди системаи иттилотии идоракунии тандурустӣ анҷом дода шуд. Ин лоиҳа дар 4 марҳила тадбиқ гардид».
Номбурда дар идомаи суҳбат зикр намуд, ки дар марҳилаҳои аввал системаҳои иттилоотӣ мавриди омӯзиш қарор дода шуда, дар марҳилаҳои минбаъда таҳкими заминаи меъёрӣ-ҳуқуқӣ дар амал татбиқ карда мегардад. Ҳоло тарзи онлайнии он роҳандозӣ карда шудааст.
«Тавассути лоиҳа тамоми мавод оид ба сатҳи солимии аҳолӣ ва фаъолияти муассисаҳои тандурустӣ бо таври онлайн дастрас гардиданд, ки барои идоракунӣ дар системаи тандурустӣ пешниҳод карда мешаванд. Бо ин мақсад ба системаи иттилоотӣ- идоракунии тандурустӣ афзалият дода шуд. Бояд гуфт, ки бе иттилоот мо наметавонем, ки аз мушкилоти соҳаи тандурустӣ воқиф бошем. Танҳо дар ин сурат мо метавонем сатҳи солимии аҳолӣ ва фаъолияти хуби муассисаҳои тандурустиро таъмин намоем»,-илова намуд ҳамсуҳбат.
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
