Дар минтақаи Рашт ба 2 ҳазору 884 нафар ронанда барои вайрон намудани меъёрҳои қонунгузорӣ дар соҳаи нақлиёт ҷарима таъйин гардид

РАШТ, 08.08.2018. /АМИТ «Ховар»/. Мутахассисони раёсати минтақавии Хадамоти давлатии назорат ва танзим дар соҳаи нақлиёт дар минтақаи Рашт дар 7 моҳи соли равон нисбат ба 2 ҳазору 884 нафар ронандагон, ки  қонунгузориҳои соҳаи  нақлиётро вайрон кардаанд, санадҳои ҳуқуқвайронкунии маъмурӣ тартиб доданд, ки маблағи ҷаримаи онҳо 399 ҳазору 800 сомониро ташкил медиҳад.

Тибқи иттилои сардори раёсати Хадамоти давлатии назорат ва танзим дар соҳаи нақлиёт дар минтақаи Рашт  Султонмурод Одинаев мушкилоти асосӣ дар роҳҳои автомобилгарди байналмилалӣ ва ҷумҳуриявӣ дар минтақа аз тарафи ронандагон риоя накардани қоидаҳои ҳамлу нақли бори хавфнок, калонҳаҷм, риоя накардани қойдаҳои боркашонӣ ва худсарона баромадани ронандагони воситаҳои нақлиёт аз самтҳои муқарраршудаи ҳаракат мебошад, ки то имрӯз 2 ҳазору 322 нафар бо риоя накардани талаботҳои моддаҳои 322, 323, ва 311-и Кодекси ҳуқуқвайронкунии маъмурии Ҷумҳурии Тоҷикистон  ба ҷавобгарии маъмурӣ кашида шуданд.

Хадамоти давлатии назорат ва танзим дар соҳаи нақлиёт дар минтақаи Рашт бо 11 адад терминалҳои мусофиркашонӣ ҳамкорӣ дошта, дар соли равон ба 15 ҳазору 319 нафар ронанда роҳхат додаанд, ки аз ин 2 ҳазору 989 нафар ронандаи автомобилҳои боркаш ва 4 ҳазору 195 нафар ронандагони микроавтобусҳо мебошанд.