ФУТБОЛ: дастаи «Регар-ТадАЗ» ба даври нимфиналии Ҷоми Тоҷикистон роҳ ёфт

Сентябрь 28, 2018 10:00

ДУШАНБЕ, 28.09.2018 /АМИТ «Ховар»/. Дастаи футболи «Регар-ТадАЗ»-и Турсунзода, ки дар бозии ҷавобии чорякфиналии Ҷоми Тоҷикистон   бар дастаи  футболи «Хатлон» -и Бохтар бо ҳисоби 5:1 пирӯз шуд, ба даври нимфиналӣ роҳ ёфт.

Тавре ба хабарнигори  АМИТ «Ховар» аз Федератсияи футболи Тоҷикистон хабар доданд, бозии ҷавобии чорякфиналии Ҷоми Тоҷикистон миёни  дастаҳои футболи «Регар-ТадАЗ» ва «Хатлон» дар варзишгоҳи «ТАЛКО-Арена»-и шаҳри Турсунзода баргузор шуд.

Ду голи  дастаи  «Регар-ТадАЗ»-ро ҳимоятгар Ойбек Абдуғаффоров зад. Боз се голи дигарро Абдусамад Ҳоҷибоев, Наврӯз Рустамов ва Амирҷон Сафаров ба ҳадаф расониданд. Голи ягонаи дастаи  «Хатлон»-ро Муҳаммад Насков ба дарвозаи мизбонон ворид кард. Дар бозии аввал низ дастаи «Регар-ТадАЗ» дар меҳмонӣ дастаи футболи  «Хатлон»-ро бо ҳисоби 3:0 шикаст дода буд.

Ҳамин тариқ, дастаи футболи «Регар-ТадАЗ» чаҳорумин дастаи ширкаткунандаи даври нимфиналии Ҷоми Тоҷикистон гардид. Пеш аз футболбозони Турсунзода дастаҳои футболи  «Истиқлол»-и Душанбе, «Хуҷанд»-и шаҳри Хуҷанд ва «Душанбе-83»-и шаҳри Душанбе ба нимфинал баромада буданд.

Ҳоло дар нимфинал  дастаҳои  футболи «Истиқлол» бо «Душанбе-83» ва «Регар-ТадАЗ» бо «Хуҷанд» рақобат мекунанд.

Бояд зикр  кард, ки баргузории бозиҳои аввали нимфиналии Ҷоми Тоҷикистон 14-15 октябр ва бозиҳои ҷавобӣ 17-18 октябр дар назар аст.

Сентябрь 28, 2018 10:00

Хабарҳои дигари ин бахш

ФУТБОЛ. Қуръакашии тақвими Чемпионати Тоҷикистон-2025 баргузор гардид
Рӯзи ҷаҳонии футбол дар Варзишгоҳи марказии шаҳри Душанбе бо иштироки беш аз 500 кӯдак таҷлил мегардад
10 феврал марҳилаи ниҳоии Ҷоми Федератсияи футболи Тоҷикистон-2025 оғоз мешавад
Тоҷикистон ва Чин ҳамкориро дар самти кор бо ҷавонон ва рушди соҳаи варзиш тақвият медиҳанд
Федератсияи футболи Тоҷикистон ҷиҳати иҷрои барномаи «Fifa Talent Development Scheme» силсиламашварат доир намуд
«ГРАНД СЛАМ ДУШАНБЕ-2025». Ин мусобиқаи бонуфуз моҳи май баргузор мегардад
Ширкати «Париматч» дар Тоҷикистон бо як сафир шартномаро тамдид карда, сафири нав қабул намуд
НИШАСТИ МАТБУОТӢ. Соли 2024 варзишгарони ноҳияи Шоҳмансур соҳиби 111 медали тилло гардиданд
НИШАСТИ МАТБУОТӢ. Донишкадаи тарбияи ҷисмонии Тоҷикистон бо 35 донишгоҳи хориҷи дуру наздик ҳамкорӣ менамояд
ЧЕМПИОНАТИ CAFA-2025. Дастаи мунтахаби занонаи футзали Тоҷикистон бо дастаи Қирғизистон бозӣ мекунад
Дар Мусобиқаи байналмилалии «Grand Slam»-и шаҳри Боку аз Тоҷикистон шаш варзишгар иштирок менамояд
Варзишгарони тоҷик дар Бозиҳои навбатии зимистонаи осиёӣ дар Ҳарбини Чин иштирок мекунанд