«ҶИНОЯТКОРОНРО БА ТОҶИКИСТОН ИСТИРДОД НАМОЕД». Муроҷиати ходимони дини вилояти Суғд ба созмонҳои байналмилалӣ

Сентябрь 14, 2018 10:29

ДУШАНБЕ, 14.09.2018 /АМИТ «Ховар»/.  Ба АМИТ «Ховар» аз номи ходимони дини вилояти Суғд муроҷиатнома расид, ки дар он амалҳои иғвогаронае, ки аз ҷониби Ҳизби наҳзати ислом дар шаҳри Варшава ба амал омаданд, маҳкум гардидаанд. Дар муроҷиатнома, аз ҷумла, омадааст:

Мо — сархатибон ва имомхатибон, дар умум ҳамаи ходимони дини вилояти Суғд панҷ рӯз инҷониб дар ҳайрат ҳастем ва ба ин суоли худ посух ёфта наметавонем, ки дар дили Аврупо- дар шаҳри Варшава ташкилоти бонуфузи Созмони Амнияту Ҳамкории Аврупо (САҲА) бо кадом ҳадаф ҷаласа барпо намуда истодааст. Ҳадафи аслии ин ташкилоти муътабар, тавре аз номаш маълум аст, бояд таъмини амнияту субот бошад. Аммо ҳузури роҳбарону намояндагони гурӯҳҳои ифротию террористӣ чунин рисолат доштани САҲА-ро метавонад зери суол барад. Тавре мушоҳида намудем, дар ҳамин ҳамоиш як гурӯҳи хурди ватангурезон, хоинони миллати тоҷик эътилофи ихтилофангезе ташкил намуданду Кабирӣ нангу номусу орро канор гузошта, аз номи миллат сухан мегуфт. Аз номи миллати тоҷик сухан гуфтани як хиёнаткору ҷинояткор боиси нигаронии амиқи мо -ходимони дин гардид ва дар як вақт мо ин амалкардро маҳкум мекунем ва ба ташкилкунандагони ҳамоишҳои Варшава чунин муроҷиат ва талаб менамоем.

Муҳтарам роҳбарон ва ходимони САҲА,

Оё шумо намедонед, ки ҳизби наҳзат дар Тоҷикистони ба шумо дӯст ҳамчун ташкилоти экстремистӣ- террористӣ эълон гардидааст ва роҳбарону алоқамандони ин ҳизби мамнӯи ба ном динии наҳзат, махсусан роҳбари он Муҳиддин Кабирӣ ва ҳаммаслаконашон ҳамчун террорист дар ҷустуҷӯи Созмони байналмилалии полиси зиддиҷиноятӣ (Интерпол) мебошанду шумо онҳоро дастгирӣ карда, минбар додаед?

Шумо -роҳбарони САҲА доим даъво мекунед, ки Созмони мо дар ҷаҳон зидди экстремизм ва терроризм фаолият карда, экстремистон ва террористонро намегузорад, ки фаъолияти хоинонаи худро давом диҳанд, аммо афсӯс, чунин сиёсати духӯраву дугонаи шумо баръакси гуфтаҳоятон мебошад.

Дар таълимоти ҳамаи динҳои олам хоинони ватан бадтарин инсонҳо ҳисоб мешаванд, нафароне, ки ҷиноят карда, сабаби ҷангу ҷидол шуда, ба миллат, ватан ва мазҳаби худ хиёнат карданд, бояд онҳоро ҳеҷ кас дастгирӣ накунад.

Мо -ходимони дини вилояти Суғд аз ташкилоту созмонҳои байналмилалӣ, махсусан САҲА ва ташкилкунандагони ин ҳамоиш талаб менамоем, ки эътилофи ба тозагӣ таъсиснамудаи наҳзатиёнро ҳамчун эътилофи моҷароҷӯ эътироф намуда, роҳбарону пайравони ТЭТ ҲНИ-ро дар рӯзҳои боқимондаи ҷаласа роҳ надиҳанд.

Мо қотеъона талаб дорем, давлатҳое, ки  имрӯз он ҷо сукунат доранд,  онҳоро ба Тоҷикистон истирдод намоянд, то дар назди халқу қонун ҷавоб гӯянд.

Сентябрь 14, 2018 10:29

Хабарҳои дигари ин бахш

Раванди сабти тӯйҳои домодию арӯсӣ ва маросими азодорӣ пурра ройгон мебошад
Вазири меҳнат, муҳоҷират ва шуғли аҳолии Тоҷикистон бо вазири муҳоҷирати меҳнатии Ҷумҳурии Филиппин мулоқот анҷом дод
ТАВАҶҶУҲ! Шаҳрвандони Тоҷикистон минбаъд имкон доранд сарҳади байни Русия ва Беларусро бо нақлиёти автомобилӣ ё роҳи оҳан гузаранд
Вазири меҳнат, муҳоҷират ва шуғли аҳолии Тоҷикистон бо вазири захираҳои инсонӣ ва рушди иҷтимоии Арабистони Саудӣ мулоқот намуд
Чаро дар Тоҷикистон баргузории маъракаю маросим кам, вале ҳуқуқвайронкунӣ зиёд шудааст?
Соли 2024 Маркази миллии қонунгузорӣ 9 санади меъёрӣ-ҳуқуқиро аз экспертиза гузаронид
Ҳайати Тоҷикистон дар Конфронси дуюми байналмилалии бозори меҳнат иштирок намуд
НИШАСТИ МАТБУОТӢ. Барои риоя нагардидани талаботи қонуни танзим беш аз 11 миллион сомонӣ ҷарима муқаррар гардид
Доир ба татбиқи «Барномаи давлатии рушди ғизои мактабӣ дар Ҷумҳурии Тоҷикистон» ҷаласа баргузор шуд
НИШАСТИ МАТБУОТӢ. «Тоҷик Эйр» дар масири Душанбе-Ванҷ, Душанбе-Лахш ва Душанбе-Рашт парвозҳоро амалӣ мегардонад
Ваколатдор оид ба ҳуқуқи инсон барои баланд бардоштани маърифати ҳуқуқии шаҳрвандон 153 машварати сайёри ҳуқуқӣ гузаронид
Дар Душанбе оид ба интихобот машварати омӯзишӣ доир гардид