МУЖДАИ ИСТИҚЛОЛ. Сокинони се деҳаи ноҳияи Деваштич соҳиби марказҳои саломатӣ шуданд
ДУШАНБЕ, 08.09.2018. /АМИТ «Ховар»/. Дар доираи омодагӣ ва таҷлили 27-солагии Истиқлолияти давлатии Ҷумҳурии Тоҷикистон бо супориши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо ташаббуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, инчунин аз ҷониби Лоиҳаи «Беҳтаркунии хизматрасонии тиббӣ», ки аз тарафи Бонки ҷаҳонӣ маблағгузорӣ мешавад, дар чанд ноҳияи вилояти Суғд марказҳои саломатии деҳот мавриди истифода қарор мегиранд.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, чанде пеш дар деҳаҳои Метк, Далёни поён ва Хуштоири мухлони ноҳияи Деваштич марказҳои саломатӣ мавриди баҳрабардорӣ қарор гирифтанд. Сокинони ин деҳаҳо, фаъолону меҳмонон дар маросими ифтитоҳи ин муассисаҳои тандурустӣ ширкат варзида, миннатдории худро ба Ҳукумати Ҷумҳурии Тоҷикистон баён доштанд.
Ба гуфтаи кормандони муассисаҳои тандурустӣ ва сокинон, аҳолии ин маҳалҳо тӯли солҳои зиёд барои ташхису табобат ба маркази ноҳия ва вилоят мерафтанд, зеро дар деҳаҳои худашон имкони гирифтани хизматрасонии тиббӣ надоштанд.
Имрӯз ин муассисаҳои тиббие, ки ба истифода дода шудаанд, биноҳои замонавӣ буда, ҳамчунин бо мебелу таҷҳизоти махсуси тиббӣ ҷиҳозонида шудаанд. Таъмин бо таҷҳизоти лабораторӣ яке аз пешравиҳои дигари ин марказҳост.
Зикр гардид, ки дар муассисаҳои тандурустии баистифодадодашуда ҳамчунин батареяҳои офтобӣ насб карда шуданд, ки барои таъмини доимии муассисаҳо бо қувваи барқ имкон фароҳам меоваранд.
Бояд гуфт, ки набудани таҷҳизоти лабораторӣ боиси саргардонии бештари мардуми маҳал ва сари вақту дақиқ муайян нагардидани бемориҳо мегардид. Бо ворид гардидани ин таҷҳизот сокинони деҳот имкон пайдо карданд, ки дар маҳалли зисти худ сари вақт ва бо сифати баланд ташхису табобат карда шаванд.
Дар маросими ифтитоҳи ин муассисаҳо раиси ноҳияи Деваштич ва масъулини Раёсати тандурустии вилояти Суғд ширкат варзида, таъкид намуданд, ки сатҳу сифати хизматрасонӣ дар ин муассисаҳо ба маротиб боло рафта, табибони он дар самти ҳифзи сиҳатии мардуми кишвар саҳми арзанда мегузоранд.
Иншооти дигари тандурустӣ ба истиқболи таҷлили 27-солагии Истиқлолияти давлатии Ҷумҳурии Тоҷикистон дар ноҳияҳои Мастчоҳ, Ҷаббор Расулов ва Деваштич мавриди баҳрабардорӣ қарор мегиранд.
Пешвои миллат Эмомалӣ Раҳмон дар деҳаи Ғарғараи ноҳияи Данғара ба фаъолияти китобхона оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара Муассисаи таҳсилоти томактабии хусусии «Ҷасур»-ро ифтитоҳ намуданд
Сарвари давлат Эмомалӣ Раҳмон дар деҳаи Ғарғараи ноҳияи Данғара майдони варзишии болопӯшидаро ифтитоҳ намуданд
Пешвои миллат Эмомалӣ Раҳмон дар ноҳияи Данғара Муассисаи таҳсилоти миёнаи умумии рақами 90-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар деҳаи Рахшонзамини ноҳияи Данғара бинои Маркази саломатиро ифтитоҳ намуданд
Сарвари давлат Эмомалӣ Раҳмон дар деҳаи Раҳмониёни ноҳияи Данғара бинои нави Маркази саломатиро ба истифода доданд
Пешвои миллат Эмомалӣ Раҳмон дар деҳаи Рахшонзамини ноҳияи Данғара бинои Муассисаи томактабии «Шукрона»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара Муассисаи таҳсилоти миёнаи умумии №1-ро ифтитоҳ намуданд
Сарвари давлат Эмомалӣ Раҳмон бинои нави Раёсати маорифи ноҳияи Данғараро мавриди истифода қарор доданд
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Пешвои миллат Эмомалӣ Раҳмон дар ноҳияи Данғара ду бинои нави таълимии Донишгоҳи давлатии тиббии Хатлонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар деҳаи Корези ноҳияи Данғара Маркази нави саломатиро ба истифода доданд
