Вазири корҳои дохилии Тоҷикистон Рамазон Раҳимзода: «Сокинони мамлакатро мебояд бо назари қадрдонӣ ба Ватан, миллат ва Пешвои муаззами худ нигаранд»
ДУШАНБЕ, 07.09.2018. /АМИТ «Ховар»/. Истиқлолияти давлатии Тоҷикистон имкон дод, ки миллати куҳанбунёди тоҷик бо сарварии Президенти Ҷумҳурии Тоҷикистон муҳтарам Эмомалӣ Раҳмон ба комёбиву дастовардҳои назаррас ва бесобиқа шарафёб шавад. Муҳимтарин қарзи шаҳрвандие, ки имрӯз дар назди ҳар сокини баномусу ватандӯсти кишвари мо қарор дорад, бо назари қадрдонӣ ба Ватани, миллат ва Пешвои муаззами худ нигаристан мебошад, зеро танҳо бо чунин тарзи муносибат роҳи дурахшонтару ояндаи беҳтар сохтан мумкин аст. Ин матлабро Вазири корҳои дохилӣ Рамазон Раҳимзода дирӯз зимни ҳамоиш бахшида ба 27-умин солгарди Истиқлолияти давлатии Ҷумҳурии Тоҷикистон, ки дар толори Сарраёсати Хадамоти давлатии оташнишонии Вазорати корҳои дохилӣ доир гардид, баён дошт.
Тавре аз Вазорати корҳои дохилӣ ба мухбири АМИТ «Ховар» хабар доданд, дар ҳамоиши пуршукӯҳи идона намояндагон аз Дастгоҳи иҷроияи Президенти Ҷумҳурии Тоҷикистон, роҳбарият, собиқадорон ва ҳайати шахсии мақомоти корҳои дохилӣ ширкат варзиданд.
Вазири корҳои дохилӣ Рамазон Раҳимзода иброз дошт, ки боиси ифтихору сарфарозист, ки имрӯзҳо сокинони кишвари азизамон бо ҳисси фараҳу шодмонӣ, рӯҳияи баланди идона ва корҳои созандагиву бунёдкорӣ Истиқлолияти давлатии Ҷумҳурии Тоҷикистонро истиқбол мегиранд. «Дар даврони Истиқлолияти давлатӣ Тоҷикистони азизи мо ба дастовардҳои беназир ноил гардид. Тамоми ин муваффақиятҳо бо сарварии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадаанд. Бунёди муассисаҳои илмӣ-таълимӣ, корхонаҳои саноатӣ, иншооти хизматрасонӣ, кушодани нақбу роҳҳо, дастовардҳои илмӣ-фарҳангӣ ва варзишӣ аз файзу таровати Истиқлолият ва пойдории сулҳу субот дар кишвар мебошад».
Зикр карда шуд, ки дар даврони соҳибистиқлолӣ ҷиҳати таъмини шароити моддӣ ва маишии кормандони мақомоти корҳои дохилӣ, бо дастгириву ғамхории Сарвари давлат садҳо бинову иншооти мақомоти корҳои дохилӣ навсозӣ ва тармиму таҷдид гардиданд.
Як зумра фаъолони соҳа ба муносибати 27-солаги Истиқлолияти давлатии Ҷумҳурии Тоҷикистон бо Фармони Президенти Ҷумҳурии Тоҷикистон бо мукофотҳои давлатӣ қадр карда шудаанд. Сардори Раёсати кафолатҳои ҳуқуқи инсони Дастгоҳи иҷроияи Президенти Ҷумҳурии Тоҷикистон Абдуҷаббор Сатторзода ба онҳо аз номи Сарвари давлат ин мукофотҳоро супорид.
Ҳамчунин бо фармони Вазири корҳои дохилӣ ба якчанд нафар кормандон барои хизмати арзанда мукофотҳо ва рутбаҳои навбатӣ тақдим гардид. Дар маҷмӯъ, ҳамагӣ бо фармонҳои Президенти Ҷумҳурии Тоҷикистон ва Вазири корҳои дохилӣ зиёда аз 700 нафар кормандони Вазорати корҳои дохилӣ бо мукофотҳои давлатӣ, унвонҳои олӣ ва калони ҳайати роҳбарикунанда, нишонҳои сарисинагӣ, медалҳо, Ифтихорнома, Раҳматнома ва сипосномаҳо сарфароз гардонида шуданд.
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
