Вена мизбони Чемпионати ҷаҳон оид ба дзюдо-2021 интихоб шуд
ДУШАНБЕ, 19.09.2018 /АМИТ «Ховар»/. Чемпионати ҷаҳон оид ба дзюдои соли 2021 дар шаҳри Венаи Австрия баргузор мешавад.
Тавре ба хабарнигори АМИТ «Ховар» аз Кумитаи миллии олимпии Тоҷикистон хабар доданд, 17 сентябр дар шаҳри Бокуи Озарбойҷон дар доираи Чемпионати ҷаҳон оид ба дзюдо-2018 ҷаласаи кумитаи иҷроияи Федератсияи байналмилалии дзюдо баргузор гардид, ки дар он вазъи имрӯз ва ояндаи соҳаи дзюдо баррасӣ шуд. Аз ҷумла, дар ин ҷаласа мизбони Чемпионати ҷаҳон оид ба дзюдо барои соли 2021 интихоб гардид.
Тибқи қарори кумитаи иҷроияи ФБД, Чемпионати ҷаҳон оид ба дзюдо баъд аз Бозиҳои олимпии Токио-2020 аз 12 то 19 сентябри соли 2021 дар шаҳри Венаи Австрия мегузарад.
Дар ҷаласа аз мусобиқаҳои нави сатҳи ҷаҳонӣ, мисли Гран При Канада, Исроил ва Чили хабар дода шуд. Федератсияи байналмилалӣ дар бораи ин мусобиқаҳо иловатан гузориш хоҳад дод.
Пагоҳ, 20 сентябр дар Маркази миллии гимнастикаи шаҳри Бокуи Озарбойҷон Чемпионати ҷаҳон оид ба дзюдо оғоз мегардад. Дар он беш аз 800 нафар варзишгарон аз 129 давлати ҷаҳон ширкат менамоянд. Ҷумҳурии моро дар ин мусобиқаи бошукӯҳ 9 варзишгар – Суҳроб Боқиев (-60кг), Ёқубҷон Боқиев, Наврӯз Каримзода (-66кг), Беҳрӯз Хоҷазода, Сомон Маҳмадбеков (-73кг), Акмал Муродов (-81), Комроншоҳ Устопириён (-90кг), Шакармамад Мирмамадов, Темур Раҳимов (+100кг) таҳти роҳбарии сармураббӣ Муҳаммадмурод Абдураҳмонов намояндагӣ мекунанд.
Пагоҳ дар Душанбе Мусобиқаи байналмилалӣ барои дарёфти «Ҷоми Президенти Ҷумҳурии Тоҷикистон» оид ба шоҳмот оғоз мегардад
Байни Тоҷикистон ва Арабистони Саудӣ дар соҳаи тарбияи ҷисмонӣ ва варзиш барномаи ҳамкорӣ ба имзо расид
Иштироки ҳайати Тоҷикистон дар маросими ифтитоҳӣ 6-умин Бозиҳои ҳамбастагии исломӣ
ҶОМИ ҶАҲОН-2025. Имрӯз дастаи наврасони Тоҷикистон (U-17) дар даври дуюм бо дастаи футболи ИМА бозӣ мекунад
Тоҷикистонро дар Бозиҳои ҳамбастагии исломӣ 65 варзишгар намояндагӣ мекунанд
ҶОМИ ҶАҲОН-2025. Имрӯз дастаи наврасони Тоҷикистон (U-17) нахустин бозии худро мегузаронад
Дар Литсейи касбии политехникии шаҳри Душанбе майдончаи варзишии футбол ифтитоҳ гардид
Дар Кумитаи кор бо ҷавонон ва варзиш бо иштирокдорони шашумин Бозиҳои ҳамбастагии исломӣ-2025 вохӯрӣ доир гардид
«Истиқлол»-и шаҳри Душанбе барои бозӣ бо дастаи футболи «Ал-Завра»-и Ироқ ба шаҳри Бағдод сафар кард
Ҳайати мунтахаби наврасони Тоҷикистон (U-17) оид ба футбол барои Ҷоми ҷаҳон-2025 муайян гардид
Федератсияи футболи Тоҷикистон барои дарёфти дараҷаи тиллоии оинномаи футболи оммавии КФО дархост ирсол кард
ФУТБОЛ. Имрӯз дастаи «Регар-ТадАЗ» бо тими «Сафо»-и Лубнон бозӣ мекунад
