Дастаҳои «Истиқлол»-и Душанбе ва «Регар-ТадАз» дар бозии ниҳоии Ҷоми Тоҷикистон бо ҳам қувва месанҷанд

Октябрь 22, 2018 08:47

ДУШАНБЕ, 22.10.2018 /АМИТ «Ховар»/.  Шоми дирӯз дар Варзишгоҳи марказии шаҳри Душанбе бозии ҷавобии даври нимниҳоии Ҷоми Тоҷикистон байни дастаҳои «Душанбе-83» ва «Истиқлол» баргузор шуда, бо натиҷаи 3:2 ба нафъи «Душанбе-83» анҷом ёфт. Аз натиҷаи ду вохӯрӣ футболбозони дастаи «Истиқлол» дар маҷмӯъ бо нишондоди 5:3 озими бозии финалӣ шуданд.

Рақобати дастаҳо ниҳоят  пуршиддат сурат гирифт. Дастаи «Душанбе-83», намояндаи Лигаи якуми кишвар чун дар бозии аввал ба чемпиони шашкаратаи Тоҷикистон- «Истиқлол» муқобилияти сахт нишон дод. Се тӯби задаи Элчибек Рашидбеков, Калеб Авуку ва як худголи (автогол) Артём Барановский «Душанбе-83»-ро ба пирӯзӣ расонид. Дар навбати худ Артём Барановский ва Ҷаҳонгир Абдулмӯминов ба се голи мизбонон бо ду гол ҷавоб гардониданд.

Дар бозии ҷуфти дуввум, тавре сомонаи расмии КФ «Хуҷанд» хабар медиҳад, футболбозони дастаи «Хуҷанд», ки дар бозии аввал дар сафар бо натиҷаи 1:0  бар «Регар-ТадАЗ»  ғалаба карда буданд, дар майдонашон бо ҳисоби 1:2 мағлуб шуда, ба дастаи «Регар –ТадАз» роҳро ба бозии ниҳоӣ боз карданд.

Тӯбҳоро дар ин вохӯрӣ Фарҳод Тоҳиров аз «Хуҷанд», Ойбек Абдуғаффоров  ва Амирҷон Сафаров аз «Регар –ТадАЗ» ба ҳадаф расониданд.

Ба ҳамин тартиб, дар бозии ниҳоии Ҷоми Тоҷикистон «Истиқлол» бо  «Регар-ТадАЗ» қувва месанҷад.

Октябрь 22, 2018 08:47

Хабарҳои дигари ин бахш

Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт