Дастаи мунтахаби Тоҷикистон мусобиқаи «Bangabandhu Gold Cup»-ро бо ғалаба оғоз кард
ДУШАНБЕ,03.10.2018 /АМИТ «Ховар»/. Дирӯз дастаи мунтахаби футболи Тоҷикистон дар мусобиқаи байналмилалии «Bangabandhu Gold Cup», ки дар кишвари Бангладеш ҷараён дорад, бо дастаи мунтахаби Непал вохӯрда, онро бо ғалаба анҷом дод. Ин вохӯрӣ дар варзишгоҳи «Силҳет Дистирикт Стедиум» барпо гардид.
Футболбозони мо дар дақиқаи 27-ум баъди аз пой зада афтонидани Ҷаҳонгир Эргашев зарбаи пеналтиро истифода бурда, ҳисобро кушоданд. Тӯбро капитани даста Фатҳулло Фатҳуллоев ба нишон расонд.
Дар қисми дуюм Комрон Турсунов баъди ба майдон баромадан дар дақиқаи 60-ум ҳисобро афзуд. Ӯ тӯби партофтаи Фатҳулло Фатҳуллоевро бо зарбаи сар вориди дарвоза кард. Ин аввалин гол ва аввалин ширкати Комрон Турсунов дар ҳайати дастаи мунтахаби мамлакат ба ҳисоб меравад.
Футболбозони мо 4 октябр дар гурӯҳи «А» дар вохӯрии дуввум бо дастаи мунтахаби Фаластин, ки иштирокчии Чемпионати Осиё-2019 мебошад, қувва месанҷанд.
Мусобиқаи «Ҷоми тиллоии Баҳандбандҳу» аз 1 то 12 октябри соли 2018 идома меёбад. Он аз ҷониби Федератсияи футболи Бангладеш таъсис дода шуда, маротибаи 6-ум гузаронида мешавад. Бори аввал дар мусобиқаи имсола дастаҳои мунтахаби Тоҷикистон, Фаластин, Филиппин ва Лаос ширкат меварзанд.
Бангладеш соли 2015 ва Непал соли 2016 ғолибони ин мусобиқаи байналмилалӣ гардидаанд.
Мусобиқаи байналмилалии «Bangabandhu Gold Cup»
Гурӯҳи «А».
Даври 1-ум
Непал – Тоҷикистон – 0:2
Голҳо: Фатҳулло Фатҳуллоев, 27 – аз пеналти (0:1). Комрон Турсунов, 70 (0:2).
Тоҷикистон: Рустам Ризоев, Бахтиёр Қаландаров, Хуршед Бекназаров, Сиёвуш Асроров, Манучеҳр Ахмедов, Аҳтам Назаров, Амирбек Ҷӯрабоев, Муҳсинҷон Абдуғаффоров (Комрон Турсунов, 60), Фатҳулло Фатҳуллоев, Муҳаммаҷон Раҳимов (Ҳикматулло Расулов, 90+2), Ҷаҳонгир Эргашев.
Огоҳӣ: Фатҳулло Фатҳуллоев, Ҷаҳонгир Эргашев (Тоҷикистон).
2 октябр. Силҳет (Бангладеш). Варзишгоҳи «Силҳет Дистрикт».
| Дастаҳо | Б | Ғ | М | Б | Т/т | И | |
| 1 | Тоҷикистон | 1 | 1 | 0 | 0 | 2-0 | 3 |
| 2 | Фаластин | 0 | 0 | 0 | 0 | 0-0 | 0 |
| 3 | Непал | 1 | 0 | 0 | 1 | 0-2 | 0 |
Гурӯҳи «В».
Даври 1-ум
Бангладеш – Лаос – 1:0
| Дастаҳо | Б | Ғ | М | Б | Т/т | И | |
| 1 | Бангладеш | 1 | 1 | 0 | 0 | 1-0 | 3 |
| 2 | Филиппин | 0 | 0 | 0 | 0 | 0-0 | 0 |
| 3 | Лаос | 1 | 0 | 0 | 1 | 0-1 | 0 |
Тақвими бозиҳои оянда:
Даври 2
3 октябр
17:30* – Филиппин – Лаос. Варзишгоҳи «Силҳет Дистрикт»
4 октябр
17:30 – Тоҷикистон – Фаластин. Варзишгоҳи «Силҳет Дистрикт»
Даври 3
5 октябр
17:30 – Бангладеш – Филиппин. Варзишгоҳи «Силҳет Дистрикт»
6 октябр (шанбе)
17:30 – Фаластин – Непал. Варзишгоҳи «Сиҳхет Дистрикт»
Бозиҳои нимфиналӣ
9 октябр
13:30 – Ҷои 1-уми гурӯҳи «А» – ҷои дуввуми гурӯҳи «В». Варзишгоҳи «Кокс-Бозор»
10 октябр
13:30 – Ҷои 1-уми гурӯҳи «В» – ҷои дуввуми гурӯҳи «А». Варзишгоҳи «Кокс-Бозор
Финал
12 октябр
17:30 – Варзишгоҳи миллии «Бангабандҳу»
*Соати бозиҳо бо вақти Душанбе нишон дода шудааст.
Варзишгари тоҷик Махсатулло Муъминов дар мусобиқаи байналмилалии каратэ-до дар Русия соҳиби медали тилло гардид
Дар Душанбе бахшида ба Ҷашни байналмилалии Наврӯз Мусобиқаи гӯштини миллӣ (гӯштингирӣ) доир мешавад
Parimatch Tajikistan ва дастаи футболи «Истаравшан» ҳамкории муштаракро оғоз карданд
Ғолибони даври якуми Чемпионати Тоҷикистон-2026 оид ба футбол байни дастаҳои Лигаи олӣ муайян шуданд
Дар ноҳияи Ёвон ғолибони мусобиқаи байналмилалӣ аз рӯи гӯштини ҷудо қадрдонӣ карда шуданд
PARIMATCH TAJIKISTAN ва КФ «Хуҷанд» оғози шарикии бузургро эълон карданд
Бозии дӯстона байни дастаҳои мунтахаби занонаи Тоҷикистон ва Амороти Муттаҳидаи Арабӣ мусовӣ анҷом ёфт
ҶОМИ ҶАҲОН ОИД БА БОКС. Аз Тоҷикистон дар ин мусобиқа даҳ варзишгар иштирок мекунад
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
