ФУТБОЛ: имрӯз дастаи мунтахаби ҷавонони Тоҷикистон дар Индонезия бо дастаи мунтахаби ҷавонони Малайзия ба майдон мебарояд

ДУШАНБЕ, 23.10.2018 /АМИТ «Ховар»/. Имрӯз дастаи мунтахаби ҷавонони Тоҷикистон (U-19) дар бозии 2-юми гурӯҳи «D», дар Чемпионати Осиё-2018, ки дар Индонезия идома дорад, бо дастаи мунтахаби Малайзия қувва меозмояд. Футболбозони тоҷик баъди ғалаба бар дастаи мунтахаби Чин (1:0)  бо рӯҳияи баланд вориди ин рақобат мешаванд.  Шарҳи шореҳи варзиши АМИТ “Ховар” Аловиддин БӮРИЕВ.

Дар ин гурӯҳ ҳамчунин вохӯрии байни дастаҳои мунтахаби ҷавонони Арабистони Саудӣ ва Чин низ баргузор мегардад. Дар сурати ғалабаи дастаҳои мунтахаби Тоҷикистон ва Арабистони Саудӣ ин дастаҳо пеш аз мӯҳлат ба бозиҳои ¼-ниҳоӣ роҳхат хоҳанд гирифт.

Ёдовар мешавем, ки даври охири мусобиқа дар гурӯҳи «D», 26-уми октябр, бо  бозии  дастаҳои мунтахаби Тоҷикистон бо Арабистони Саудӣ ва Чин бо Малайзия  анҷом меёбад.

Дар ҳамин росто бозиҳои даври дуввуми гурӯҳҳои «А»,«В» ва «С» хотима ёфтанд. Амороти Мутаҳидаи Араб бар Тайбейи Чин бо ҳисоби 8:1, Қатар бар Индонезия —  6:5, Кореяи Шимолӣ бар Ироқ  — 1:0, Япония бар Тайланд — 3:1, Австралия бар Ветнам —  2:1 ва Кореяи Ҷанубӣ бар Урдун бо бо ҳисоби  3:1 ғалаба карданд.

 Тартиби ҷадвали гурӯҳҳо чунин аст:

Гурӯҳи «D»

Даври 1

Тоҷикистон – Чин 1:0

Арабистони Саудӣ – Малайзия 2:1

Бозиҳои оянда:

Даври 2

23 октябр

14:00 – Чин – Арабистони Саудӣ

17:00 – Малайзия – Тоҷикистон

Даври 3

26 октябр

17:00 – Арабистони Саудӣ – Тоҷикистон

17:00 – Чин – Малайзия

Гурӯҳи  «А».

Даври 1

Индонезия –Тайбэйи Чин – 3:1

АМА – Қатар – 2:1

Даври 2

Тайбэйи Чин – АМА 1:8

Қатар – Индонезия –6:5

Гурӯҳи «В».

Даври1

Япония – Кореяи Шимолӣ – 5:2

Ироқ – Тайланд – 3:3

Даври 2

Кореяи Шимолӣ –Ироқ- 1:0

Тайланд — Япония – 1:3

Гурӯҳи  «С».

Даври 1

Ветнам – Урдун – 1:2

Кореяи Ҷанубӣ – Австралия – 1:1

Даври 2

Австралия – Ветнам -2:1

Урдун -Кореяи Ҷанубӣ – 1:3