Ғолибони мусобиқаи байналмилалӣ оид ба ҷиу-ҷитсу дар шаҳри Душанбе маълум гардиданд

ДУШАНБЕ, 24.10.2018 /АМИТ «Ховар»/. Дар шаҳри Душанбе мусобиқаи байналмилалӣ оид ба ҷиу-ҷитсу миёни наврасон, ҷавонон ва калонсолон дар сатҳи баланду хотирмон баргузор шуд.

Тавре раиси Федератсияи ҷиу-ҷитсуи Тоҷикистон Алиҷон Давлатов  ба мухбири АМИТ «Ховар» Меҳрони  Қурбон иттилоъ дод, дар Ҷумҳурии Тоҷикистон чунин мусобиқаи байналмилалӣ бори аввал баргузор мешавад. Мақсад аз баргузории он интихоби дастаҳои мунтахаби наврасон, ҷавонон ва калонсолон ҷиҳати омодагӣ ва иштирок дар чемпионати ҷаҳон мебошад, ки моҳи апрели соли оянда дар Аморати Муттаҳидаи Араб доир мегардад.

Хотиррасон менамоем, ки дар мусобиқа 133 варзишгар аз давлатҳои Тоҷикистон, Қирғизистон, Ӯзбекистон, Россия, ИМА, АМА ширкат намуданд.

Миёни наврасон ва ҷавонон ҳамаи ҷойҳои ифтихориро варзишгарони тоҷик сазовор шуданд. Миёни калонсолон низ дар бештари вазнҳо варзишгарони тоҷик ғолиб омаданд. Умуман, дар ҳисоби даставӣ ҷои аввалро Тоҷикистон, ҷои дуюмро Ӯзбекистон ва ҷои сеюмро Қирғизистон ишғол намуданд.

Ғолибон ва ҷоизадорони Мусобиқаи байналмилалӣ оид ба ҷиу-ҷитсу дар Душанбе байни калонсолон:

-50кг

1. Нурмуҳаммад Турсунзода (Тоҷикистон)
2. Абдуллоҳ Абдуғафуров (Ӯзбекистон)
3. Суҳроб Абдураҳмонов (Тоҷикистон)

-55кг

1. Амриддин Қурбонов (Тоҷикистон)
2. Ҷонибек Ёқубов (Тоҷикистон)
3. Шаҳзод Ҳотамов (Тоҷикистон)

-60кг

1. Сулаймони Аҳмадхон (Тоҷикистон)
2. Анушервон Давлатов (Тоҷикистон)
3. Сергей Алексушин (Тоҷикистон)

-62кг

1. Карим Мадинов (Ӯзбекистон)
2. Алиҷон Бобомуродов (Тоҷикистон)
3. Раҳматулло Ҳоҷиев (Ӯзбекистон)

-66кг

1. Амиралӣ Ҳалимов (Тоҷикистон)
2. Тимур Абдуллоев (Ӯзбекистон)
3. Диёрбек Анваров (Ӯзбекистон)

-69кг

1. Шоимард Абдулназаров (Тоҷикистон)
2. Сардор Солиев (Ӯзбекистон)
3. Ҳафизҷон Қурбонов (Тоҷикистон)

-77кг

1. Маъруфҷон Назаров (Тоҷикистон)
2. Ҳаруна Мадинов (Ӯзбекистон)
3. Данте де Агостаро (ИМА)

-85кг

1. Дмитрий Новиков (Қирғизистон)
2. Абубакр Назарзода (Тоҷикистон)
3. Комрон Ғуломшозода (Тоҷикистон)

+94

1. Умедҷон Нуров (Ӯзбекистон)
2. Ризо Сафаров (Ӯзбекистон)
3.  Эраҷ Аминзода  (Тоҷикистон)