Пагоҳ дар Душанбе барӯйхатгирии санҷишии аҳолӣ ва фонди манзил оғоз меёбад
ДУШАНБЕ, 09.10.2018 /АМИТ «Ховар»/. Бо мақсади амалисозии лоиҳаи Барномаи барӯйхатгирии аҳолӣ ва фонди манзили Ҷумҳурии Тоҷикистон дар соли 2020, аз 10 то 24 октябр дар Душанбе барӯйхатгирии санҷиии аҳолӣ ва фонди манзил доир карда мешавад.
Тавре ба хабарнигори АМИТ «Ховар» аз Агентии омори назди Президенти Ҷумҳурии Тоҷикистон хабар доданд, барӯйхатгирии аҳолӣ ва фонди манзили санҷишӣ дар маҳаллаҳои 64 ва 91-и шаҳри Душанбе ва шаҳри Нораки вилояти Хатлон баргузор карда мешавад.
Соли 2020 дар Тоҷикистон барӯйхатгирии аҳолӣ ва фонди манзил доир мегардад.
«Тибқи қарори Ҳукумати Ҷумҳурии Тоҷикистон дар робита ба баргузории барӯйхатгирии аҳолӣ ва фонди манзил дар ҷумҳурӣ, имрӯзҳо як зумра корҳо анҷом дода шуданд. Аз ҷумла, аз 10 то 24 октябр баргузории барӯйхатгирии аҳолӣ ва фонди манзили санҷишӣ дар маҳаллаҳои 64 ва 91-и шаҳри Душанбе ва шаҳри Норак дар назар аст»,- иброз намуд муовини директори Агентии омори назди Президенти Ҷумҳурии Тоҷикистон Қиёмиддин Давлатзода.
Бино ба гуфтаи ӯ, соли 2020 барӯйхатгирии аҳолӣ ба таври анъанавӣ, яъне назарсанҷиии «рӯ ба рӯ» баргузор мешавад.
«Чун асри 21 асри технология аст, мо низ ҳангоми барӯйхатгирии аҳолӣ ва фонди манзил аз технологияи иттилоотӣ самаранок истифода бурданӣ ҳастем. Мо дар сомонаи Агентии омор замима ё барномаи махсус омода намудем, ки дар он варақаи бақайдгирӣ ҷо карда шудааст. Сардорон ё аъзои хоҷагиҳо, ки ба Интернет дастрасӣ доранд, метавонанд ба сомонаи мо ворид шуда, варақаро пур кунанд. Ғайр аз ин мо аз рӯйи имконият истифодаи планшетҳоро ба роҳ монданӣ ҳастем. Ин бисёр самаранок ва муфид аст, чун назарпурсӣ «рӯ ба рӯ» баргузор шуда, дар як вақт маълумот дар планшет коркард мегардад. Ин ҳам сарфаи вақт ва ҳам эътимоднок аст. Албатта, натиҷаи ниҳоӣ аз посухи пурсидашавандагон ба саволҳои варақаи барӯйхатгирӣ ҳам вобастагӣ дорад, яъне ҳар қадар онҳо посухи дуруст диҳанд, ҳамон қадар маълумоти муътамад ва эътимодбахш ҳосил мешавад»,-зикр кард Қиёмиддин Давлатзода.
Ҳамин тавр, дар ҷараёни барӯйхатгирии аҳолӣ ва фонди манзили Ҷумҳурии Тоҷикистон дар соли 2020 технологияи муосир ва беш аз 35 ҳазор барӯйхатгирандагон истифода хоҳанд шуд. Имрӯз дар ҷумҳурӣ ҳудуди 1.3 миллион хоҷагӣ мавҷуд аст, ки ба ҳар нафар барӯйхатгиранда 400 хоҷагӣ рост меояд.
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
