Ширкати «Барқи Тоҷик» қатъшавии неруи барқро дар баъзе минтақаҳо ҳолати муваққатӣ арзёбӣ кард
ДУШАНБЕ, 18.10.2018 /АМИТ «Ховар»/. Ширкати Саҳомии Холдингии Кушодаи «Барқи Тоҷик» овоза дар бораи ҷорӣ намудани маҳдудияти неруи барқ дар ҷумҳуриро қатъиян рад намуд. Ба иттилои ширкат, қатъ шудани интиқоли неруи барқ, ки қариб як моҳ аст дар баъзе аз минтақаҳои ҷумҳурӣ мушоҳида мешавад, ба корҳои таъмирию омодагӣ ба фасли сармо вобаста аст.
Қатъ шудани интиқоли неруи барқ дар баъзе аз минтақаҳои ҷумҳуриро сардори маркази матбуоти ШСХК «Барқи Тоҷик» Нозир Ёдгорӣ ба хабарнигори АМИТ «Ховар» вобаста ба гузаронидани корҳои таъмирию профилактикии хатҳои интиқоли барқ, зеристгоҳҳои баландшиддат ва таҷҳизоти неругоҳҳои барқӣ дар давраи тайёрӣ ба зимистон арзёбӣ намуд.
Ба иттилои номбурда, ШСХК «Барқи Тоҷик» сарфи назар аз рух додани ягон ҳолати ғайримуқаррарӣ, имсол дар нияти ҷорӣ намудани маҳдудият нест. Имрӯзҳо дар баъзе манотиқи кишвар баъзан қатъ шудани неруи барқ ба тадбири таъмини беҳтари мардум ва хоҷагии халқ бо неруи барқ вобаста аст.
«Ба ҳама маълум аст, ки хатҳои интиқоли барқ, зеристгоҳҳо, умуман ҳама таҷҳизоте, ки ба истеҳсол ва интиқоли барқ вобастаанд, доимо зери шиддат мебошанд. Аз ин рӯ, дар давраи пеш аз оғози хунукиҳо, ки истифодаи барқ бамаротиб меафзояд ва мавсими барои энергетикҳо хеле душвор ҳисоб мешавад, таъмиру профилактикаи онҳо ногузир аст»,-зикр кард манбаъ.
Нозир Ёдгорӣ иброз намуд, ки «вобаста ба корҳои таъмирию профилактикии хатҳои интиқоли барқ, зеристгоҳҳои баландшиддат ва таҷҳизоти неругоҳҳои барқӣ дар давраи тайёрӣ ба зимистон зарурат пеш омад, ки дар баъзе минтақаҳои ҷумҳурӣ интиқоли неруи барқ зина ба зина қисман қатъ карда шавад. Ин тадбир муваққатӣ буда, барои хубтар бо барқ таъмин намудани муштариён дар давраи зимистон роҳандозӣ мегардад».
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
