Табибон ва беморони Хоруғ аз таҷриба, ташхис ва табобати духтурони варзидаи Швейтсария баҳра мебардоранд
ХОРУҒ, 8.10.2018. /АМИТ «Ховар»/. Дар доираи барномаи муштараки Ҳукумати Ҷумҳурии Тоҷикистон, Хадамоти тандурустии Бунёди Оғохон ва Фонди Швейтсария оид ба рушд панҷ нафар табибони ин кишвар ҳамроҳ бо ҳамкасбони маҳаллии худ дар Вилояти Мухтори Кӯҳистони Бадахшон як ҳафта боз беморонро муоина ва табобат доранд. Сардухтури беморхонаи шаҳри Хоруғ Саидбек Давлатбеков гуфт, ки мақсади асосии барномаи мазкур баланд бардоштани дониши назариявию амалии табибони маҳаллӣ мебошад. Муҳлати лоиҳаи мазкур панҷ сол буда, маҳали тадбиқи он шаҳрҳои Хоруғ ва Душанбе интихоб шудааст.
Президенти гурӯҳи ҷарроҳони Швейтсария Андре Родсел баён дошт, ки «ин сафари аввалини ман ба шаҳри Хоруғ нест. Қаблан низ ба ин шаҳри зебо сафар карда будам ва роҷеъ ба тибби муосир бо табибони маҳаллӣ мубодилаи афкор карда, дар чанд амалиёти ҷарроҳӣ ширкат доштам. Табибони маҳаллӣ дорои донишу таҷрибаи кофӣ ҳастанд ва аз ҳамтоёни хориҷии худ ҳеҷ камӣ надоранд. Фарқ фақат дар ин аст, ки табибони кишварҳои Аврупо, аз ҷумла Швейтсария ба таҷҳизоти муосири тиббӣ дастрасии бештар доранд. Яке аз мақсадҳои дигари барномаи мазкур ба қадри имкон таъмин кардани беморхонаҳо бо чунин таҷҳизот ва тарзи истифодаи он мебошад. Имсол ҳам чанд намуди таҷҳизоти тиббиро ба ихтиёри табибони беморхонаи шаҳри Хоруғ гузоштем».
Дар доираи сафари Фонди швейтсарии рушд табибони беморхонаҳои мухталифи ин кишвар дар дастрас кардани ин таҳҷизоти тиббӣ саҳм гузоштанд.
Ба гуфтаи сардухтури беморхонаи мазкур Саидбек Давлатбеков, «давоми як ҳафтаи охир табибони маҳаллӣ ҳамроҳ бо ҳамкасбони хориҷӣ даҳҳо нафар беморонро ройгон ташхис намуда, ду амалиёти мураккаби ҷарроҳиро муваффақона анҷом доданд. Ба ҳайати ин гурӯҳ ҷарроҳон, анестизиологҳо, табибони бемориҳои занона, уролог, радиолог ва онколог шомил мебошанд, ки собиқаи кориашон аз 6 то 13 сол мебошад.
Ёдовар мешавем, ки гурӯҳи фонди Швейтсария дар соҳаи тиб фаъолияти худро дар Ҷумҳурии Тоҷикистон аз соли 2014 оғоз намуда, панҷ соли оянда ин ҳамкориро идома медиҳад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
