ТАРАННУМИ «ГУФТ, КИ ҲАР ДУ» ВА «Я ВСТРЕТИЛ ДЕВУШКУ» ДАР САНКТ-ПЕТЕРБУРГ. Рӯзҳои фарҳанги Тоҷикистон дар Россия ҷараён доранд
ДУШАНБЕ, 9.10.2018. /АМИТ «Ховар»/. Дар доираи Рӯзҳои фарҳанги Ҷумҳурии Тоҷикистон дар Федератсияи Россия шоми 8 октябр дар Театри калони драмавии ба номи Г.А. Товстоногови шаҳри Санкт-Петербург барномаи мутантани консертии устодони ҳунар ва санъаткорони ҷавони тоҷик баргузор гардид.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, барномаи консертӣ аз ҷониби сокинон ва меҳмонони шаҳри Санкт-Петербург бо кафкӯбиҳои пурмавҷ истиқбол гардид. Хусусан «Рақси гулҳо» ва «Чоргоҳи чор» дар иҷрои гулдухтарони Ансамбли давлатии рақсии хизматнишондодаи ба номи Ғаффор Валаматзода «Лола», сурудҳои «Гуфт, ки ҳар ду» дар иҷрои Таҳмина Ниёзова ва «Я встретил девушку» дар иҷрои Зафар Абдуалимов писанди тамошобинон гардиданд.
Ёдовар мешавем, ки роҳбарии ҳайати расмии Рӯзҳои фарҳанги Тоҷикистон дар Россияро муовини Вазири фарҳанги Ҷумҳурии Тоҷикистон Ибодулло Машраб ба уҳда дошта, ҳунармандони шинохтаи Тоҷикистон Давлатманд Холов, Адҳам Холиқов, Шарофат Усмонова, Муҳаммадрафӣ Кароматулло, Хуршед Иброҳимзода, Манучеҳр Раҳмонов, Соҳибназар Аловатов, Амирҷон Рӯзиев, Александр Тагиров санъату фарҳанги тоҷикро муаррифӣ менамоянд.
Нахустин Анҷумани вазирони фарҳанги давлатҳои Созмони ҳамкории исломӣ баргузор гардид
Дар Осорхонаи миллии Тоҷикистон ба ёдбуди Шоири халқии Тоҷикистон Боқӣ Раҳимзода намоиши ҷашнӣ оғоз ёфт
Дар Душанбе консерти оркестри симфонии ҷавонони Иттиҳоди Давлатҳои Мустақил баргузор шуд
Нақши осорхонаҳои таърихӣ дар тарбияи ватандӯстии насли наврас чӣ гуна аст?
Ба ифтихори 115-солагии Шоири халқии Тоҷикистон Боқӣ Раҳимзода ҳамоиши илмӣ-адабӣ доир гардид
Иштирокдорони Форуми XVIII зиёиёни эҷодкор ва олимони кишварҳои ИДМ бо таъриху тамаддуни тоҷикон шинос шуданд
«НИДОИ ЛОЗУР». Таҳти чунин унвон Форуми пиряхҳо ва барномаи фарҳангӣ баргузор мегардад
Форуми XVIII зиёиёни эҷодкор ва олимони кишварҳои аъзои Иттиҳоди Давлатҳои Мустақил баргузор шуд
Академияи миллии илмҳои Тоҷикистон ва Донишгоҳи миллии техникии Беларус ҳамкории илмиро тақвият медиҳанд
Дар Душанбе Форуми зиёиёни эҷодкор ва олимони давлатҳои иштирокдори Иттиҳоди Давлатҳои Мустақил оғоз шуд
Дар Тоҷикистон Рӯзҳои фарҳанги Озарбойҷон доир мешаванд
«ШАБЕ ДАР ОСОРХОНА». Ин иқдом ба Рӯзи байналмилалии осорхонаҳо бахшида мешавад
