АГЕНТИИ ОБУҲАВОШИНОСИИ ТОҶИКИСТОН: зимистони имсола сербориш мешавад
ДУШАНБЕ, 28.11.2018. /АМИТ «Ховар»/. Тибқи пешгӯии Агентии обуҳавошиносии Тоҷикистон зимистони имсола сербориш мешавад.
Сардори Маркази обуҳавосанҷии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева зимни суҳбат бо мухбири АМИТ «Ховар» баён дошт, ки мутахассисони агентӣ чанде пеш барои муайян намудани вазъи ҳавои зимистони имсола ба шаҳри Москва сафар карда, бо дастгирӣ ва ҳамкории мутахассисони Маркази ҳавосанҷии Россия вазъи ҳаворо муайян намуданд.
«Аз рӯи пешгӯиҳои мутахассисон, ки дар шаҳри Масква ҷамъ омада буданд, моҳи декабр вазъи ҳаво дар Ҷумҳурии Тоҷикистон муътадил шуда, дар як қатор ноҳияҳо ҳаво аз меъёри муқаррарӣ аз 0,5 то 1 дараҷа хунуктар мешавад. Бояд гуфт, ки тӯли моҳи декабр боришот дар қисми зиёди ноҳияҳои ҷумҳурӣ аз меъёри муқаррарӣ зиёдтар дар назар аст», — зикр намуд Ҷ. Байдуллоева.
Ба иттилои ҳамсуҳбати мо, моҳи январи соли оянда дар ҷумҳурӣ ҳаво нисбат ба моҳи январи соли 2018 аз 1 то 3 дараҷа хунуктар хоҳад шуд. Бояд зикр намуд, ки моҳи январи соли гузашта дар қисми зиёди ноҳияҳои ҷумҳурӣ ҳаво аз меъёри муқаррарӣ аз 1 то 3 дараҷа гарм буд. Моҳи январи имсола боришот аз меъёри муқаррарӣ зиёдтар пешгӯӣ карда шудааст.
«Вазъи ҳаво моҳи феврали соли оянда нисбат ба соли гузашта то 1,5 дараҷа пасттар шуда, боришот дар қисми зиёди ҷумҳурӣ, ба истиснои ҳудуди шарқии вилояти Бадахшон дар ин моҳ аз меъёри муқаррарӣ зиёдтар пешгӯӣ карда мешавад»,-иброз дошт Ҷ.Байдуллоева.
Сардори Маркази обуҳавосанҷии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иброз намуд, ки пешгӯиҳои мутахассисон барои вазъи ҳавои зимистон аз 40 то 60 фоиз дуруст мебароянд. Агар ин пешгӯиҳо қисман дуруст бароянд, моҳҳои декабр, январ ва феврал сардии зиёд пешгӯӣ намешавад.
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Агентии обуҳавошиносии Тоҷикистон бо Агентии байналмилалии энергияи атомӣ Ёддошти тафоҳум ба имзо расонид
Дар вилояти Хатлон ҷаласаи корӣ оид ба вазъи зимистонгузаронӣ доир шуд
Дар шаҳри Истаравшан Маркази саломатӣ ба истифода дода шуд
