АЗ ФУРСАТ БАРОИ АВФ ИСТИФОДА БАРЕД! Бо мусоидати кормандони мақомоти корҳои дохилӣ боз як шахси гумроҳ аз кирдори худ пушаймон шуда, ба Ватан баргашт
ДУШАНБЕ, 27.11.2018 /АМИТ «Ховар»/. Дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Барномаи давлатии баргардонидани афроди гумроҳзада бо мусоидати кормандони Раёсати Вазорати корҳои дохилии Ҷумҳурии Тоҷикистон дар вилояти Хатлон як нафар сокини ноҳияи Ҷ.Балхӣ, шаҳраки Балх, Одинаев Тошалӣ Авродович, соли таваллудаш 1985, ки қаблан дар ҷустуҷӯ қарор дошт ва муддати ду сол узви фаъоли ташкилоти экстремистӣ — террористии «Гурӯҳи 24» (мамнуъ дар Тоҷикистон) буд, ба Ватан баргашт.
Тавре аз Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, нисбат ба номбурда барои даъвати оммавӣ ба фаъолияти экстремистӣ бо моддаи 307 иловаи 2 қисми 2, 307 иловаи 3 қисми 2 ва 187 қисми 2-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, дар ҷустуҷӯ қарор дошт.
«Одинаев Тошалӣ дар саҳифаҳои интернетӣ ба ҳайси модератор фаъолият намуда, зидди сохти конститутсионӣ паҳн ва нашри ҳар гуна матолиби чопию аудиовизуалии марбут ба «Гурӯҳи 24»-ро ҷонибдорӣ мекард»,-омадааст дар иттилоияи Вазорати корҳои дохилии мамлакат.
Дар идомаи иттилоияи вазорат гуфта мешавад, ки «ин шаҳрванд иштибоҳи худро дарк карда, аз узвият дар ин созмони террористиву экстремистӣ, ки фаъолияташ дар Тоҷикистон мамнӯъ эълон гардидааст, даст кашида, бо ихтиёри худ ба Ватан баргашт. Инак Одинаев Тошалӣ ният дорад дар Ватани соҳибистиқлоли худ машғул ба кор шуда, ба он содиқ монад ва дар назди хешу табор ва пайвандони худ зиндагии ором пеша намояд».
Ёдовар мешавем, ки қонунгузории Ҷумҳурии Тоҷикистон имкон медиҳад, ки новобаста аз хавфнокии ҷиноятҳои дорои хусусияти экстремистӣ дар сурати ихтиёрӣ ҳозир шудан ва мавҷуд набудани дигар аломатҳои таркиби ҷиноят шахси гунаҳгор авф карда шавад. Ҳар нафари ба чунин ҷиноятҳо айбдоршаванда имкон дорад дар ҳамкорӣ бо мақомоти ҳифзи ҳуқуқи Тоҷикистон аз ин фурсат истифода барад.
Дар фасли тирамоҳ бемориҳои музмин бештар мегарданд
Дар замони соҳибистиқлолӣ афзоиши табиии аҳолӣ ҳар сол ба ҳисоби миёна 2,4 фоизро ташкил медиҳад
МАСЛИҲАТИ МУТАХАССИС. Меваи биҳӣ хусусияти мубориза бурдан бар зидди вирусҳоро дорад
Сиëсати давлатии соҳаи истеҳсолоти иҷро дар замони соҳибистиқлолӣ ташаккул ëфт
«ДУШАНБЕ — МУАРРИФУ ТАҲКИМБАХШИ АРЗИШҲОИ СОҲИБИСТИҚЛОЛӢ». Бардошт аз ҳамоиши илмӣ-адабӣ
ИСТИҚЛОЛИЯТ — ҚИМАТТАРИН НЕЪМАТИ ЗИНДАГӢ. Дар мақомоти Ваколатдор оид ба ҳуқуқи инсон ҳамоиши идона баргузор шуд
Дар Чин барои хизматчиёни давлатӣ даври омӯзишӣ оғоз гардид
Лоиҳаи «Беҳтар намудани хизматрасонии тиббӣ барои модар ва кӯдак дар чор ноҳияи вилояти Хатлон» амалӣ шуд
Ғолибони озмунҳои ҷумҳуриявии «Ҳамсари беҳтарин» ва «Фарзанд-боғи падару модар» муайян гардиданд
Ягона роҳи пешгирии бемории сурхча ва гулафшон иммунизатсия мебошад
Дар беш аз 400 муассисаи тандурустии Тоҷикистон воситаҳо барои пардохти электронӣ насб гардиданд
Дар шаҳри Турсунзода биноҳои Маркази касбомӯзӣ ва раёсати Агентии меҳнат ва шуғли аҳолӣ бунёд мегарданд
