Дар шаҳри Хоруғ ба шарафи Рӯзи Президенти Ҷумҳурии Тоҷикистон роҳпаймоӣ баргузор гардид
ХОРУҒ, 14.11.2018 /АМИТ « Ховар»/. Бо ибтикори Раёсати кор бо ҷавонон ва варзиши Вилояти Мухтори Кӯҳистони Бадахшон дар шаҳри Хоруғ ба ифтихори Рӯзи Президенти Ҷумҳурии Тоҷикистон таҳти унвони «Ҷавонон-пайрави Пешвои миллат» роҳпаймоӣ баргузор гардид. Дар он бештар аз 3 ҳазор нафар ҷавонони шаҳр ва ноҳияҳои вилоят ширкат намуданд.
Ҷавонон пас аз роҳпаймоӣ дар майдони Исмоили Сомонӣ ҷамъ омада, дар пояи Парчами миллӣ гулчанбар гузоштанд. Сардори Раёсати ҷавонон ва варзиши вилоят Сураҷ Чоршанбиев гуфт, ки «ҳамасола ҷавонони вилоят Рӯзи Президенти Ҷумҳурии Тоҷикистонро бо самимияту садоқати бепоён истиқбол мегиранд. Имсол ин рӯзи фараҳбахш ба санаи дигари таърихӣ- маросими ба кор андохтани агрегати аввали Неругоҳи барқи обии «Роғун» рост меояд. Ин ду мафҳум бо ҳам алоқамандии мустақим доранд. Агар Пешвои миллат ба ҳар хонадони тоҷик сулҳу оромӣ оварда бошад, «Роғун» ба онҳо равшанию нур тақдим мекунад. Бунёди ин неругоҳи азим аз ҷасорату қаҳрамонии Пешвои миллат ба хотири ба даст овардани истиқлолияти энергетикӣ башорат медиҳад. Пешвои миллат бо ин иқдоми хеш бори дигар собит сохтанд, ки ҳар амали неке, ки ба хотири хушбахтию саодати халқ роҳандозӣ мешавад, ҳатман муваффақона анҷом меёбад».
Дар майдони Исмоили Сомонӣ ҷавонон бо навбат ба минбар баромада, дар бораи нақши Пешвои миллат дар таҳкими сулҳу оромӣ, волоияти қонун, рушди соҳаҳои иқтисодӣ, фарҳангу маориф, тандурустию варзиш изҳори ақида намуданд.
Дар Душанбе Форуми дуюми коршиносии «Русия — Осиёи Марказӣ: рӯзномаи рушди муштарак» баргузор мешавад
Табибони тоҷик дар шаҳри Москваи Федератсияи Русия фаъолияти назаррас доранд
Бо Қарори Ҳукумати Ҷумҳурии Тоҷикистон КВД «Почтаи Тоҷикистон» таъсис дода шуд
ПУРСИДЕД? ҶАВОБ МЕДИҲЕМ. Парвандаҳои маданӣ дар судҳо чӣ гуна баррасӣ карда мешаванд?
Раиси Суди Олии иқтисодии Ҷумҳурии Тоҷикистон: «Дар фаъолияти судҳо нақши забон амиқу дақиқ дарҷ шудааст»
Ҷаласа доир ба таъсиси Шурои миллии ҳамоҳангсозӣ оид ба Чаҳорчӯбаи васеъшудаи шаффофият баргузор гардид
Дар Душанбе ҷаласаи 38-уми Шурои ҳамкорӣ дар соҳаи тандурустии кишварҳои аъзои ИДМ ба кори худ оғоз намуд
«ЗАБОН-ҲАСТИИ МИЛЛАТ». Дар муассисаҳои таълимии шаҳри Хуҷанд Рӯзи забони давлатӣ таҷлил мегардад
Дар Душанбе ҷаласаи 38-уми Шурои ҳамкорӣ дар соҳаи тандурустии давлатҳои аъзои ИДМ баргузор мегардад
НАМУНАИ ИБРАТ. Раиси ноҳияи Восеъ ва раиси Ҷамоати Оббурдони ноҳияи Мастчоҳ писаронашонро ба хизмати ҳарбӣ гусел намуданд
Дар Тоҷикистон шумораи аҳолии аз 100-сола боло 415 нафарро ташкил медиҳад
1 ОКТЯБР — РӮЗИ ПИРОНСОЛОН. Таъмини зиндагии шоиста барои онҳо афзалияти сиёсати иҷтимоии Тоҷикистон аст
