Футбол: қуръакашии марҳилаи интихобии Чемпионати Осиё-2020 анҷом ёфт

Ноябрь 8, 2018 09:06

ДУШАНБЕ, 8.11.2018 /АМИТ «Ховар»/. Дар маросими қуръакашии марҳилаи муқаддамотии Чемпионати Осиё-2020  дастаи мунтахаби ҷавонони то 23-солаи Тоҷикистон шомили гурӯҳи «F» шуда, бо дастаҳои мунтахаби ҷавонони  Ӯзбекистон, Ҳиндустон ва Покистон рақобат мекунад.

Тавре аз Федератсияи футболи Тоҷикистон ба мухбири АМИТ «Ховар» Меҳрони Қурбон хабар доданд,  7  ноябр дар дафтари кории Конфедератсияи футболи Осиё дар шаҳри Куала-Лумпур маросими қуръакашии марҳилаи муқаддамотии Чемпионати Осиё-2020 миёни дастаҳои мунтахаби ҷавонони то 23 сола баргузор шуд.

Дар марҳилаи муқаддамотии мусобиқа 44 даста аз 11 гурӯҳ баромад мекунанд. Дар минтақаи ғарбӣ 6 гурӯҳ ва дар минтақаи шарқӣ 5 гурӯҳ иштирок мекунанд. Бозиҳои марҳилаи муқаддамотӣ аз 22  то 26  март дар  шаҳри Тошканд баргузор мешаванд. Ғолибони 11 гурӯҳ ва боз 4 дастаи дигар, ки дар гурӯҳҳои хеш нишондоди беҳтарин доранд, ба марҳилаи финалии Чемпионати Осиё-2020, ки аз 8  то 26  январи соли оянда дар Тайланд баргузор мешавад, роҳхат ба даст меоранд.

Ёдовар мешавем, ки се дастаи беҳтарини Чемпионати Осиё-2020 роҳхати Бозиҳои олимпии Токиоро соҳиб мешаванд.

Қуръакашии марҳилаи муқаддамотӣ:

Минтақаи ғарб:

Гурӯҳи «А»: Қатар (мизбон), Уммон, Непал, Афғонистон.

Гурӯҳи «В»: Фаластин, Баҳрайн (мизбон), Бангладеш, Шри-Ланка.

Гурӯҳи «С»: Ироқ, Эрон (мизбон), Туркманистон, Яман.

Гурӯҳи «D»: Арабистони Саудӣ (мизбон), АМА, Лубнон, Малдив.

Гурӯҳи «Е»: Урдун, Сурия, Қирғизистон, Қувайт (мизбон).

Гурӯҳи «F»: Ӯзбекистон (мизбон), Тоҷикистон, Ҳиндустон, Покистон.

Минтақаи шарқ:

 Гурӯҳи «G»: ҶХДК, Гонконг, Сингапур, Муғулистон (мизбон).

Гурӯҳи «Н»: Кореяи Ҷанубӣ, Австралия, Камбоҷа (мизбон), Тайбэйи Чин.

Гурӯҳи «I»: Япония, Мянма (мизбон), Тимори Шарқӣ, Макао.

Гурӯҳи «J»: Малайзия (мизбон), Чин, Лаос, Филиппин.

Гурӯҳи «К»: Ветнам (мизбон), Таиланд, Индонезия, Бруней.

 

 

Ноябрь 8, 2018 09:06

Хабарҳои дигари ин бахш

ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид