НОМАИ ШОДБОШИИ Президенти Федератсияи Россия Владимир Путин
ДУШАНБЕ, 22.11.2018 /АМИТ «Ховар»/.Имрӯз дар Осорхонаи миллии Тоҷикистон маросими расмии ифтитоҳи Намоишгоҳи «Тоҷикистон ва Россия: бо роҳи дӯстӣ ва созандагӣ» баргузор гардид, ки дар он паёми шодбошии Президенти Федератсияи Россия Владимир Владимирович Путин ба ташкилкунандагон ва меҳмонони намоишгоҳ қироат шуд.
Дар зер матни пурраи номаи шодбошии Президенти ФР оварда мешавад.
Ба ташкилкунандагон ва меҳмонони намоишгоҳи таърихӣ ва ҳуҷҷатии «Россия ва Тоҷикистон: бо роҳи дӯстӣ ва созандагӣ»
Дӯстони гиромӣ!
Шуморо ба муносибати ифтитоҳи намоишгоҳи «Россия ва Тоҷикистон: бо роҳи дӯстӣ ва созандагӣ», ки ба муносибатҳои таърихии кишварҳо ва мардумонамон бахшида шудааст, самимона шодбош мегӯям.
Чунин намоишгоҳи миқёсӣ ба санаи муҳим – 25-умин солгарди «Аҳдномаи дӯстӣ, ҳамкорӣ ва ёрии тарафайн», ки баимзорасонии он барои тавсеаи назарраси робитаҳои байнидавлатии Россия ва Тоҷикистон шароит фароҳам овард, рост меояд.
Тайи чорякаср муносибатҳои Москва ва Душанбе ба сатҳи иттифоқӣ ва шарикии стратегӣ баромаданд. Муколамаи пурмуҳтавои сиёсии дуҷониба ва ҳамкории самараноки иқтисодӣ, тиҷоратӣ, сармоягузорӣ, илмӣ, техникӣ ва ҳарбӣ ба роҳ монда шудааст. Робитаҳои бисёрҷанбаи байниминтақавӣ ва табодул дар соҳаи илм, фарҳанг, маориф ва маорифпарварӣ рушд меёбанд. Ҳамоҳангии талошҳо дар арсаи минтақавӣ ва байналмилалӣ, аз ҷумла дар доираи ИДМ, СҲШ, СААД ва дигар сохторҳои бисёрҷониба самараи нек медиҳад.
Мутмаинам, ки намоишгоҳ дар ҳаёти фарҳангӣ ва ҷамъиятии кишварҳоямон рӯйдоди муҳим мегардад. Мехоҳам аз самимӣ қалб ба ҳамаи онҳое, ки дар омода ва ташкили он иштирок карданд, изҳори миннатдорӣ ва ба ташрифоварони намоишгоҳҳо таассуроти ҳаяҷонбахшу фаромӯшнашаванда таманно намоям.
В. Путин
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
