«Ҷоми Раиси шаҳри Душанбе-2018» насиби дастаи Вазорати корҳои дохилӣ гардид

Ноябрь 15, 2018 09:00

ДУШАНБЕ, 15.11.2018 /АМИТ «Ховар»/. Мусобиқа оид ба дарёфти «Ҷоми Раиси шаҳри Душанбе-2018» оид ба футболи хурд байни кормандони вазорату идораҳо ва ташкилоту муассисаҳо дар майдони хурди Варзишгоҳи марказии ҷумҳуриявӣ баргузор гардид. Дар мусобиқаи финалӣ бозӣ байни дастаҳои Вазорати корҳои дохилӣ ва «Вавилон» тунду тез сурат гирифта, ба фоидаи Вазорат анҷом ёфт.

Тавре аз Вазорати корҳои дохилӣ ба мухбири АМИТ «Ховар» Меҳрони Қурбон хабар доданд, вохӯрӣ  дар сатҳи баланд  баргузор гардида, ҳарду даста кӯшиш намуданд ҷойи авввалро соҳиб шаванд. Дарвозабони дастаи Вазорати корҳои дохилӣ Умар Раҳимов малакаю маҳорати  хуб нишон дода, ба дарвозаи худ ягон гол сар надод. Бо ҳамин бозӣ мусовӣ анҷом ёфт.

Тибқи рӯзномаи бозӣ, силсилазарбаҳо таъйин гардида, дастаи ВКД бо ҳисоби 3:1 дастаи «Вавилон»-ро мағлуб намуда, соҳиби ҷойи аввал гардид.

Ҳамин тариқ, ҷойи дуюмро дастаи «Вавилон» ва ҷойи сеюмро дастаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон ишғол намуданд.

Бояд зикр кард, ки  дар маросими тантанавӣ муовини Раиси шаҳри Душанбе Толиб Раҳимзода, роҳбари дастгоҳи Раиси шаҳри Душанбе Тоҷиддин Саидзода, ноиби Президенти Федератсияи футболи Тоҷикистон Алишер Урунов, директори МД «Раёсати кор бо мактабҳо ва иншооти варзишии шаҳри Душанбе» Раҳматшо Камолов, Раиси Федератсияи футболи Душанбе Анваршо Мирзоев иштирок намуданд.

Дар ҷамъбаст ба ғолибон барои ҷойи аввал 24 000 сомонӣ, барои ҷойи дуюм 16 000 сомонӣ ва барои ҷойи сеюм 12 000 сомонӣ тақдим гардид.

Ноябрь 15, 2018 09:00

Хабарҳои дигари ин бахш

Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад