ДАРАХТ БИНШОН! Дар Балҷувон оид ба тарзи шинонидани ниҳолҳо машварат доир гардид
БАЛҶУВОН, 22.12.2018 /АМИТ «Ховар»/. Рӯнамоии нахустини рубрикаи нав дар сомонаи АМИТ «Ховар»: «ДАРАХТ БИНШОН!». Зери ин рубрика мо бо арҷгузорӣ ба яке аз амалҳои дерина ва неки мардуми кишварамон – дарахтшинонию боғсабзонӣ пайваста маводҳо чоп хоҳем кард. Инак, маводи аввал аз ин силсила.
Бо мақсади бунёди боғҳои нав ва ҷавобгӯ ба талаботи имрӯза бахши кишоварзии ноҳияи Балҷувон бо ҷалби мутахассисони соҳа ва роҳбарони хоҷагиҳои деҳқонӣ машварати омӯзишӣ доир намуд.
Тавре хабарнигори минтақавии АМИТ «Ховар» иттилоъ медиҳад, ҳадафи машварат аз фаҳмонидани тарзи интихоб ва шинонидани ниҳолҳои мутобиқ ба шароити иқлими минтақа иборат буд. Ба машварати омӯзишӣ боғдорони Ҷамоати деҳоти Балҷувон ҷалб гардида, ба онҳо тарзи коркарди байни қатори ниҳолҳо ва нарм кардани замини боғҳо омӯзонида шуд.
Тавре масъулини мақомоти иҷроияи ҳокимияти давлатии ноҳия иттилоъ доданд, дар аксари ноҳияҳо барои амалӣ намудани «Барномаи давлатии рушди чорводорӣ ва чарогоҳҳо» даҳҳо адад трактору мошинолот дастрас карда шудаанд, ки мушкилоти кишоварзонро дар самти шудгору кишт ва бунёди боғҳо осон гардонидаанд.
Зикр шуд, ки дар ноҳия 2481 гектар боғ мавҷуд буда, имсол 28 гектар боғи нав бунёд карда шудааст. Соли 2019 дар ноҳияи Балҷувон ташкили хоҷагиҳои ниҳолпарварӣ ба нақша гирифта шудааст, ки имкони таъмини боғдорони ноҳия бо ниҳолҳои ба шароити иқлими минтақа мусоид ва арзон фароҳам меояд. Гуфта шуд, ки дар ҳамоишҳои оянда олимони соҳа даъват карда мешаванд ва ба кишоварзон маслиҳатҳои муфид дар самти пешбурди боғдорӣ хоҳанд дод.
ДАРАХТ БИНШОН! Дар минтақаи Лоҳури ноҳияи Рӯдакӣ 700 бех ниҳоли гуногун шинонида шуд
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
«КИШВАРИ САБЗ». Кормандони Хадамоти гумрук дар ноҳияи Варзоб беш аз 17 ҳазор бех ниҳол шинониданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Дар заминҳои бекорхобидаи теппаҳои деҳаи Шодоби ноҳияи Варзоб боғи намунавӣ бунёд карда шуд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
«ШАҲРИ САБЗ». Дар ҳудуди Боғи «Ғалаба» ва ҷангалҳои пойтахт 3,6 ҳазор бех ниҳоли дарахти санавбар шинонида шуд
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
