БАХШИДА БА 75-СОЛАГИИ АЗ МУҲОСИРА ОЗОД ШУДАНИ ЛЕНИНГРАД. Пагоҳ дар Боғи Ғалабаи шаҳри Душанбе маросими гулчанбаргузорӣ доир мешавад
ДУШАНБЕ, 25.01.2019 /АМИТ «Ховар»/. 27 январ 75-умин солгарди пурра аз муҳосираи фашистӣ озод гардидани Ленинград дар соли 1944 таҷлил карда мешавад. Пагоҳ, 26 январ дар Боғи Ғалабаи шаҳри Душанбе маросими гулчанбаргузорӣ дар назди Оташи абадӣ баргузор мегардад.
Дар маросими тантанавӣ бахшида ба 75-умин солгарди барҳам додани муҳосираи Ленинград намояндагони Вазорати мудофиаи Ҷумҳурии Тоҷикистон, Мақомоти иҷроияи ҳокимияти давлатии шаҳри Душанбе, Сафорати Россия дар Душанбе, намояндагии «Россотрудничества» дар Тоҷикистон, созмонҳои собиқадорон ва худи собиқадорон ширкат меварзанд.
28 январ дар Донишгоҳи славянии Россияву Тоҷикистон бахшида ба ин рӯз консерти идона баргузор мешавад.
Муҳосираи Ленинград яке аз саҳифаҳои сиёҳтарини таърих ба шумор меравад ва бинобар ин, озодии шаҳр на танҳо барои мардуми рус, балки барои ҷомеаи байналмилалӣ санаи муҳими таърихӣ буда, дар озоднамоии шаҳр намояндагони халқиятҳои зиёд қурбон шудаанд. 75 сол муқаддам барҳам додани муҳосираи Ленинград, ки тақрибан 900 рӯз- аз 8 сентябри соли 1941 то 27 январи соли 1944 идома ёфт, дар таърихи муштараки мо рӯйдодӣ воқеӣ гардид, ки он ба марҳилаи ниҳоии Ҷанги дуюми ҷаҳонӣ оғоз бахшид.
«99,5 ҳазор собиқадорон-муҳосирачиён, ки на танҳо дар Санкт-Петербург, балки дар саросари ҷаҳон зиндагӣ мекарданд, сазовори нишони хотиравии «Ба шарафи 75-солагии пурра аз муҳосираи фашистӣ озод гардидани Ленинград» мешаванд. Дар аксар кишварҳо, аз ҷумла дар Тоҷикистон, бахшида ба ин сана чорабиниҳои гуногун баргузор мегарданд», — иттилоъ доданд аз Маркази илму фарҳанги Россия дар Душанбе ба хабарнигори АМИТ «Ховар».
Бахшида ба Рӯзи таъсиси Қувваҳои Мусаллаҳи Тоҷикистон дар Душанбе ҳамоиши тантанавӣ доир шуд
ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Он на танҳо сохтори низомӣ, балки рамзи мавҷудияту бақои давлат аст
Президенти Тоҷикистон: «Фидокорию ҷонбозиҳои афсарону сарбозони шуҷои Ватан ҳаргиз фаромӯш намешавад»
23 ФЕВРАЛ — РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Артиши миллӣ 33 сол боз амнияту оромии давлат ва ҷомеаро ҳифз менамояд
ҚУВВАҲОИ МУСАЛЛАҲ — МУҲОФИЗИ СУЛҲ, СУБОТ ВА ЗИНДАГИИ ОСУДАИ МАРДУМ. Иқтибосҳо аз суханрониҳои Президенти Тоҷикистон бахшида ба Рӯзи таъсиси Қувваҳои Мусаллаҳи Тоҷикистон
Бахшида ба 33-солагии таъсиси Қувваҳои Мусаллаҳ дар Вилояти Мухтори Кӯҳистони Бадахшон чорабинии тантанавӣ баргузор шуд
Нақши Қувваҳои Мусаллаҳи Ҷумҳурии Тоҷикистон дар шароити тағйирёбии ҷаҳони муосир муассир аст
АРТИШИ МИЛЛӢ — СИПАРИ БОЭЪТИМОДИ ДАВЛАТДОРӢ ВА РАМЗИ ИСТИҚЛОЛИЯТИ ТОҶИКОН. Эҳдо ба 33-солагии таъсиси Қувваҳои Мусаллаҳи Тоҷикистон
Дар Маркази тадқиқоти стратегӣ бахшида ба Рӯзи Қувваҳои Мусаллаҳи Тоҷикистон ҳамоиш баргузор шуд
33-СОЛАГИИ ТАЪСИСИ ҚУВВАҲОИ МУСАЛЛАҲ. Дар Душанбе ҳамоиши тантанавӣ доир гардид
Қувваҳои Мусаллаҳи Тоҷикистон дар таъмини амну суботи ҷомеа нақши калидӣ доранд
