Бонки ҷаҳонӣ: «Ҳулбук ва Чилучорчашма метавонанд чун мавзеъҳои сайёҳии байналмилалӣ муаррифӣ гарданд»
ДУШАНБЕ, 25.01.2019. /АМИТ «Ховар»/. 24 январи соли равон Вазири фарҳанги Ҷумҳурии Тоҷикистон Шамсиддин Орумбекзода бо ҳайати намояндагони Бонки ҷаҳонӣ мулоқот намуд.
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, ҳайати меҳмонон бо роҳбарии иқтисодчии пешбари бахши молияи Бонки ҷаҳонӣ Андреа ДаллОлио ва мутахассис оид ба иҷрои амалиёт Татяна Сегал, сармутахассис оид ба кор бо лоиҳаҳо ва бахши хусусӣ Раҳа Шаҳид ва сармутахассис оид ба масъалаҳои ҳифзи муҳити зист Ҷон Колйер иштирок доштанд.
Зимни мулоқот дурнамои рушди муносибатҳо дар соҳаи тармиму таъмири ёдгориҳои беназири таърихӣ, воридоти технологияи муосир, сохтмони биноҳо ва осорхонаҳои кишвар бо сабки замонавӣ, истифодаи самараноки имкониятҳои сайёҳии мамлакат барои ҷалби сайёҳони хориҷӣ баррасӣ гардиданд.
Намояндагони Бонки ҷаҳонӣ барои саҳмгузорӣ дар ободонӣ ва нигаҳдошти чор ёдгории таърихӣ — Мавзеи табиӣ-бостонии «Чилучорчашма», Ёдгории меъмории «Мадрасаи Хоҷа Машҳад», шаҳри асримиёнагии Ҳулбук ва Қалъаи Ямчун изҳори андеша намуда, оид ба фароҳам овардани шароити мусоид, сохтмони меҳмонхонаҳо ва дӯконҳои фурӯши ҳунарҳои мардумӣ таклифҳо манзур намуданд.
Зикр гардид, ки мавзеъҳои мазкур метавонанд чун мавзеъҳои сайёҳии байналмилалӣ муаррифӣ гарданд.
Ёдовар мешавем, ки Пешвои миллат муҳтарам Эмомалӣ Раҳмон зимни ирсоли Паёми навбатии хеш аз 26 декабри соли 2018 оид ба ҳифзу нигоҳдошти ёдгориҳои таърихии мамлакат чунин таъкид намуданд: «Моро зарур аст, ки ёдгориҳои таърихии худро ҳифз кунем, обод гардонем ва ба онҳо ҳамчун ҷузъи таркибии сарнавишти миллати куҳанбунёдамон муносибат намоем. Ин қарзи мо дар назди таърих ва наслҳои оянда мебошад».
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
