«IRS»: ҳаракати воситаҳои нақлиёт дар масири Душанбе-Чаноқ зери назорат қарор дорад
ДУШАНБЕ, 17.01.2019. /АМИТ «Ховар»/. Дар масири Душанбе—Чаноқ новобаста аз бориши барф ҳаракати воситаҳои нақлиёт зери назорати пайваста қарор дорад. Дар ин бора ба мухбири АМИТ «Ховар» сардори Маркази матбуоти филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон Далери Абдулло хабар дод.
Бино ба иттилои манбаъ, ҳаракати нақлиёт дар баъзе қитъаҳо, масалан аз километри 48 то 73-юм ва аз 152 то 160-ум роҳ, ки аз фаромадани тарма бештар осеб мебинанд, душвортар аст.
Ҳамчунин Далери Абдулло хабар дод, ки тибқи фармоиши якҷояи вазоратҳои корҳои дохилӣ ва нақлиёт дар ҳамдастӣ бо филиали Ширкат дар ҳолатҳои зарурӣ ҳаракати мошинҳои вазнини боркаш аз ду то чор соат, яъне то бартараф намудани тармаҳо қатъ карда мешавад.
Роҳбарияти ширкат барои фаъолияти муназзаму пурмаҳсул дар фаслҳои тирамоҳу зимистон 10 ҳазор метри мукааб маводи зиддилағжиш, 260 ҳазор литр сӯзишвори дизелӣ, 85 тонна ангишт ва ба миқдори зарурӣ либосҳои зимистонаи махсус барои кормандон захира намудаанд. Ин омил имкон медиҳад, ки рисолати ширкат, яъне нигоҳдории шоҳроҳ дар сатҳи хуб ва сифати баланд амалӣ гардад.
Роҳбарияти ширкати мазкур аз ронандагон хоҳиш менамояд, ки бе омодагӣ ба роҳ набароянд, зеро ҳам худашон ба мушкилӣ рӯ ба рӯ мешаванд ва ҳам ба ҳаракати дигар воситаҳои нақлиёт халал мерасонанд.
«Бо дарки масъулият гуфта мешавад, ки ширкат барои нигоҳдории роҳ дар сатҳи ҷавобгӯй ба талабот маблағи зиёд масраф мекунад. Ҳоло ширкат дорои беш аз 181 техникаву механизм буда, барои тавсеаи фаъолият ва сари вақт бартараф намудани тармаҳо таҷҳизоти нав, ба монанди булдозеру трейлерҳои махсус харидааст. Масъулини ширкат боварӣ доранд, ки ронандагону мусофирон вазъиятро дуруст дарк менамоянд»,-гуфт Далери Абдулло.
Эмомалӣ Раҳмон: «Тавоноии миллату давлат бо устувориву пойдории мавҷудияти ваҳдати миллӣ ва сулҳу субот пайванди ногусастанӣ дорад»
Вазири тандурустӣ ва ҳифзи иҷтимоии аҳолии Тоҷикистон дар шаҳри Урумчии Чин бо донишҷӯёни тоҷик вохӯрӣ анҷом дод
«МО БО ШУМО ИФТИХОР МЕКУНЕМ!». Таҳти чунин унвон ҳайати гурӯҳи кории Кумитаи кор бо ҷавонон ва варзиш бо афсарону сарбозон вохӯрӣ намуд
Қабул шудани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» иқдоми зарурӣ ба саривақтӣ мебошад
Сарвари давлат: «Қаҳрамони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
Намояндагони Тоҷикистон дар Фестивали ҷаҳонии ҷавонон дар Узбекистон иштирок доранд
Сардори Хадамоти иҷро Барно Саидвализода: «Ягона омили муассири ҳаёти осоишта ва рӯзгори равшану босаодат ваҳдат ва сулҳу ҳамдилӣ мебошад»
ПЕШВОИ ЯТИМПАРВАРИ МИЛЛАТ. Барои 50 нафар ятими кулл — сарбозони Артиши миллӣ саёҳат ба мавзеъҳои ҷолиби шаҳрҳои Ҳисор ва Душанбе ташкил гардид
Кумитаи ҳолатҳои фавқулода ва мудофиаи гражданӣ: «Баъзе аз шаҳрвандон қоидаҳои бехатариву амниятро риоя намекунанд»
Ҷавонони Тоҷикистон дар Форуми ҷаҳонии ҷавонони Узбекистон иштирок мекунанд
ОГОҲИИ АГЕНТИИ ОБУҲАВОШИНОСӢ. Аз 26 то 28 июн дар Тоҷикистон ҳавои номусоид дар назар аст
Конфронси байналмилалии «Тоҷикистон-Чин: ҳолат ва дурнамои шарикии ҳамаҷонибаи стратегӣ дар давраи нав» ба кори худ оғоз намуд
