Дар Душанбе ҷаласаи гурӯҳи корӣ оид ба идораи ислоҳоти милитсия баргузор мегардад
ДУШАНБЕ, 22.02.2019 /АМИТ «Ховар»/. 12 марти соли равон бо ташаббуси Вазорати корҳои дохилии Ҷумҳурии Тоҷикистон дар шаҳри Душанбе ҷаласаи гурӯҳи корӣ оид ба идораи ислоҳоти милитсия (сатҳи сиёсӣ) баргузор мегардад.
Тавре аз Вазорати корҳои дохилии мамлакат ба мухбири АМИТ «Ховар» хабар доданд, дар назар аст, ки дар кори ҷаласа роҳбарони Созмони амният ва ҳамкорӣ дар Аврупо, Иттиҳоди Аврупо, Барномаи рушди СММ, Дафтари СММ оид ба маводи мухаддир ва ҷинояткорӣ, сафирони ИМА, Россия, Германия, Франсия, Англия, Чин, Япония, Туркия, Арабистони Саудӣ, Қатар, инчунин намояндагони як зумра созмонҳои байналмилалию ташкилотҳои ҷамъиятӣ ва коршиносон иштирок намоянд.
«Дар доираи иштироки шарикони иҷтимоӣ раванди ислоҳоти милитсия дар Ҷумҳурии Тоҷикистон, дастовардҳо ва дурнамои он мавриди муҳокима қарор дода мешавад», — илова намуд манбаъ.
Бояд гуфт, ки дар доираи ислоҳоти милитсия дар Тоҷикистон се ҳуҷҷати муҳим қабул карда шуданд. Ин ҳуҷҷатҳо Стратегияи ислоҳоти милитсия барои солҳои 2013–2020, Барномаи ислоҳоти (рушди) милитсия барои солҳои 2014-2020 ва Нақшаи амал оид ба амалигардонии Барнома барои соли 2013-2020 мебошанд.
Тавре дар Стратегияи ислоҳоти милитсия барои солҳои 2013–2020 омадааст: «Ислоҳот ба он равона гардидааст, ки дар шуури ҷомеа симои иҷтимоии куллан нави корманди милитсияе, ки аз амалҳои коррупсионӣ холӣ ва ҳадафаш мусоидат намудан ба шаҳрвандон аст, ташаккул дода шавад».
Дар Бохтар лоиҳаи «Шаҳри бехатар» амалӣ мегардад
Дар Душанбе мулоқоти роҳбарони вазоратҳои корҳои дохилии Тоҷикистону Беларус баргузор гардид
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
