Дар Душанбе Конфронси илмӣ–назариявии «Муҳоҷират, таҳсилоти муосир ва истифодаи технологияҳои нави ғайринақдӣ миёни ҷавонон» доир гардид

Февраль 1, 2019 08:40

ДУШАНБЕ, 1.02.2019 /АМИТ «Ховар»/. 31 январ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон  дар  толори Вазорати рушди иқтисод ва савдо Конфронси илмӣ— назариявӣ таҳти унвони «Муҳоҷират, таҳсилоти муосир ва истифодаи технологияҳои нави ғайринақдӣ миёни ҷавонон» баргузор гардид.

Дар конфронси мазкур  роҳбарони  вазорату идораҳо, ташкилоту муассисаҳо ва олимону муҳақкиқони ҷавон иштирок намуданд.

Тавре аз Кумитаи кор бо ҷавонон ва варзиш ба АМИТ «Ховар» иттилоъ доданд, конфронс бо мақсади иҷрои дастуру супоришҳои Пешвои миллат муҳтарам Эмомалӣ Раҳмон доир ба самтҳои   асосии сиёсати дохиливу хориҷии ҷумҳурӣ роҳандозӣ гардид.

Иштирокчиёни конфронс дар мавзӯъҳои «Заминаҳои меъёрии ҳуқуқии амалигардонии таҳсилоти муосир», «Таъсири муҳоҷирати меҳнатӣ ба муносибатҳои оилавӣ», «Амалишавии меъёрҳои байналмилалии таҳсилоти муосир дар маорифи кишвар», «Муҳоҷират, таҳсилоти муосир ва истифодаи технологияи ғайринақдӣ миёни ҷавонон», «Раванди муҳоҷират дар Ҷумҳурии Тоҷикистон», «Нақши муҳоҷирати зеҳнӣ ва таълимӣ дар рушди инноватсионии Ҷумҳурии Тоҷикистон», «Таҳсилоти фосилавӣ дар замони муосир», «Инноватсия дар фурудгоҳ», «Таҷрибаи «Алиф Сармоя» дар самти пардохтҳои ғайринақдӣ», «Технологияҳои нав барои муҳоҷирон ва ҷавонон» ва «Хизматрасониҳои ғайринақдӣ дар замони муосир» маърӯза намуданд.

Ҳамчунин дар кори конфронс масъалаҳои муҳоҷират, таҳсилоти муосир ва истифодаи технологияҳои нави ғайринақдӣ миёни ҷавонон бо иштироки васеи коршиносон, собиқадорони соҳа, намояндагони ташкилотҳои қарзӣ ва ҷавонони гуногункасб баррасӣ гардид.

Февраль 1, 2019 08:40

Хабарҳои дигари ин бахш

«ТОБИСТОН-2025». Дар Тоҷикистон беш аз 250 ҳазор кӯдакону наврасон ба истироҳат фаро гирифта мешаванд
РӮЗИ ҶАҲОНИИ ЯХМОС. Чаро ин ширинии яхбастаро аз ҳама зиёд кӯдакон дӯст медоранд?
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид