Дар озмуни вилоятии «Дастархонороӣ» хони орододаи бонувони ноҳияи Мурғоб беҳтарин дониста шуд
ХОРУҒ, 14.02.2019 /АМИТ «Ховар»/. Дар толори Мақомоти иҷроияи ҳокимияти давлатии шаҳри Хоруғ озмуни вилоятии «Дастархонороӣ» баргузор гардид. Дар он бонувоне ширкат намуданд, ки дар озмуни ноҳиявӣ пирӯз шуда буданд.
Мудири шуъбаи дин, танзими анъана ва ҷашну маросимҳои миллии Мақомоти иҷроияи ҳокимияти давлатии Вилояти Мухтори Кӯҳистони Бадахшон Сардорбек Азорабеков гуфт, ки «мақсади асосии озмуни мазкур- ин эҳёи таомҳои миллӣ, сарфаю сариштакорӣ дар оростани дастархон, истифодаи бештар аз маҳсулоти хоми маҳаллӣ, аз ҷумла гулу гиёҳҳои шифобахш мебошад. Ба касе пӯшида нест, ки тӯли чанд соли охир ошпазон чӣ дар ошхонаву қаҳвахона ва чӣ тӯю маъракаҳои хурсандӣ дастархонро бо ҳар гуна иловаҳои кимиёӣ оро медиҳанд. Ин одамонро нороҳат ва ба ҳар гуна бемориҳо мубтало мекунад. Агар имрӯз аз пухтани чунин таомҳо худдорӣ накунем, фардо аз байн бурдани он ғайриимкон мегардад. Бинобар ин дастархонро тарзе бояд оро дод, ки ҳам аз ҷиҳати зоҳирӣ зебо бошаду ҳам дар таркиби худ моддаҳои барои ҷисми инсон фоидабахш дошта бошад».
Ба аъзои ҳакамон таомҳои омоданамудаи дастаи бонувон аз ноҳияи дурдасти Мурғоб хеле писанд афтод. Дастархони бонувони ин ноҳия хеле одӣ, арзон ва аз ҳама муҳим, аз маҳсулоти маҳаллӣ омода шуда буд. Мудири шуъбаи дин, танзими анъана ва ҷашну маросимҳои миллии ин ноҳия Абдузокир Бойназаров гуфт, ки «мо ба озмун ҳашт намуд таоми миллӣ ва замонавӣ пешниҳод кардем, ки дар омода кардани панҷ намуди он аз гӯшти қутос истифода шудааст. Гӯшти қутос як навъ гӯшти парҳезӣ шумурда мешавад. Ҳатто бемороне, ки касалии фишорбаландию диабети қанд доранд, метавонанд онро бидуни тарс истеъмол намоянд. Ба озмун ҳамчунин ду намуди таоми қирғизӣ пешниҳод карда шуд. Ноҳияи Мурғоб баландкӯҳ буда, иқлимаш сард аст. Дар он ҷо сабзавотпарварию зироаткорӣ чандон роиҷ нест, аммо дар таҳияи ин ё он таом ҳатман аз сабзавоту гиёҳҳои шифобахш истифода мекунем. Сабзавотро ба бозори ноҳия одатан аз шаҳру ноҳияҳои кишвар интиқол медиҳанд».
Дар озмуни вилоятии «Дастархонороӣ» ҷойҳои дуюму сеюм насиби шаҳри Хоруғ ва ноҳияи Рӯшон гардид.
Дар Душанбе вобаста ба инкишофи барвақтии кӯдак ҳамоиш доир шуд
Барномаи ҳамкорӣ байни Хадамоти иҷрои Тоҷикистон ва Хадамоти федералии иҷрочиёни судии Русия ба имзо расид
Муовини якуми Раиси ҲХДТ дар Форуми ҳизбҳои сиёсии Созмони ҳамкории Шанхай иштирок намуд
Ба сокинони шаҳри Ҳисор беш аз 450 ҷойи кори холӣ пешниҳод гардид
Дар Душанбе доир ба беҳтар гардонидани сифати ғизо ҳамоиш доир шуд
Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
