«КОРВОНИ САЛОМАТӢ» БА РОҲ МЕБАРОЯД. Зимни баҳисобгирии маъюбон ва додани варақаҳои корношоямӣ камбудиҳо роҳ ёфтаанд…
ДУШАНБЕ, 25.02.2019. /АМИТ «Ховар»/. Аз 1 то 4 марти соли равон бо ҳадафи баланд бардоштани маърифати тиббии аҳолӣ ва бартарафсозии мушкилоти таваллуд «Корвони саломатӣ» таҳти шиори «Солимии модару кӯдак дар деҳот» амалӣ карда мешавад.
Матлаби мазкурро зимни ҷаласаи ҳайати мушовара Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода баён дошт. Дар ҷаласа вазир вобаста ба баланд бардоштани сатҳи муоширати табибон бо беморон, беҳтар намудани сатҳи расонидани кумаки аввалини тиббию санитарӣ дар ҷумҳурӣ ба масъулини соҳа дастуру супоришҳои мушаххас дод.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба мухбири АМИТ «Ховар» хабар доданд, дар кори ҷаласа муовинони вазир ва роҳбарони муассисаҳои тандурустии мамлакат иштирок намуданд.
Дар ҷаласа иштирокчиён дар бораи натиҷаҳои таҳлили фаъолияти шабакаи муассисаҳои кумаки аввалини тиббию санитарӣ сухан гуфтанд. Зикр шуд, ки дар ҷумҳурӣ айни замон 2 ҳазору 835 адад чунин муассисаҳои кумаки аввалини тиббию санитарӣ фаъолият менамоянд.
Тибқи иттилоъ, давоми соли 2018 аз тарафи Хадамоти назорати давлатии тандурустӣ ва ҳифзи иҷтимоии аҳолӣ ва зерсохторҳои он 88 санҷиши нақшавӣ, 153 санҷиши ғайринақшавӣ ва 79 санҷиши такрорӣ гузаронида шуда, камбудиву норасоиҳо ошкор ва барои ислоҳи онҳо ба масъулин амрномаҳо фиристода шуданд.
Вобаста ба камбудиҳои ҷойдошта дар соҳаи мазкур муовини Вазири тандурустӣ ва ҳифзи иҷтимоии аҳолӣ оид ба масъалаҳои иҷтимоӣ Шодихон Ҷамшед мушкилоти ҳалталабро баррасӣ карда, изҳор дошт, ки дар самти расонидани кумаки аввалини тиббию санитарӣ, аз ҷумла баҳисобгирии маъюбон ва додани варақаҳои корношоямӣ камбудиҳое роҳ ёфтаанд, ки фавран ислоҳ мехоҳанд.
Инчунин зимни ҷаласа иҷрои «Барномаи миллии тавонбахшии маъюбон барои солҳои 2017-2020» баррасӣ гардид.
Вазири адлияи Тоҷикистон бо Комиссари Олии СММ оид ба ҳуқуқи инсон мулоқот намуд
«ХУДШИНОСӢ — ОМИЛИ ТАҲКИМИ ИСТИҚЛОЛ ВА ДАВЛАТДОРИИ МИЛЛӢ». Оид ба ин мавзуъ даври омӯзишӣ оғоз гардид
Дар Душанбе даври ҷумҳуриявии озмуни «Сайри гули лола» баргузор мегардад
Дар ноҳияи Тоҷикобод лоиҳаи нави таъмини оби тоза барои сокинони деҳаи Сабзазор амалӣ мешавад
МАСЛИҲАТИ МУТАХАССИС. Истеъмоли чукрӣ ба кам шудани моддаи қанд дар таркиби хун мусоидат мекунад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
Дар Душанбе ҷаласаи Шурои ҳамоҳангсозӣ бо донорҳо ва шарикони рушд дар соҳаи меҳнат, муҳоҷират ва шуғли аҳолӣ баргузор шуд
Тоҷикистону Чин ҳамкориро дар бахшҳои сиёсӣ, иқтисодӣ ва гуманитарӣ тақвият медиҳанд
Дар шаҳри Ваҳдат бо мақсади баланд бардоштани ҳувияти миллии ҷавонон ҳамоиш доир шуд
Байни Тоҷикистон ва Арабистони Саудӣ дар самти таҳсилоти касбӣ Ёддошти тафоҳум ба имзо расид
Сокинони ноҳияи Тоҷикобод аз муоинаю ташхисҳои тиббии ройгон гузаронида шуданд
Бо иштироки занону духтарони вазорату идораҳо иқдоми ҷумҳуриявии «Тоҷикона мепӯшем!» доир гардид
