Ориф Хоҷазода: «Мардум аз гирифтани заминҳое, ки инфрасохтор ва оби нӯшокӣ надоранд ва дар маҳалҳои дур ҷойгиранд, даст мекашанд»

Февраль 1, 2019 14:40

ДУШАНБЕ, 01.02.2019 /АМИТ «Ховар»/. Агар мо сидқан муроҷиати шаҳрвандонро дар доираи қонун баррасӣ карда, ба ҳар гуна қонуншиканӣ ва ҳолатҳои коррупсионӣ даст назанем, масъалаҳои ҳалнашаванда, аз ҷумла дар робита ба вайронкунии қонунгузории замин  боқӣ нахоҳанд монд.

Ин нуктаро имрӯз зимни нишасти матбуотӣ Раиси  Кумитаи давлатии идораи замин ва геодезии Ҷумҳурии Тоҷикистон Ориф Хоҷазода иброз дошт.

Соли сипаригардида аз  ҷониби Кумитаи давлатии идораи замин ва геодезии Ҷумҳурии Тоҷикистон ва мақомоти он дар маҳал  беш аз 14 ҳазор ҳолати вайронкунии қонунгузории замин ошкор  гардид.

Ба иттилои мавсуф, барои  бартараф намудани ҳолатҳои ошкоргардида  зиёда аз 12 ҳазор парвандаҳои маъмурӣ тартиб дода шуданд.

Ин нишондод дар ҳолест, ки Президенти мамлакат муҳтарам Эмомалӣ Раҳмон зимни суханронии худ дар мулоқот бо кормандони мақомоти прокуратура нимаи аввали моҳи марти соли 2018 чунин гуфта буданд: «Ҳарчанд бо дахолати прокуратура дар даҳ соли охир қариб 23 ҳазор гектар замини худсарона ишғолкардашуда ба ҳолати аввала баргардонида, зиёда аз 5600 парвандаи ҷиноятӣ оғоз карда шудаанд, лекин то ба ҳол ин проблемаи ҷиддӣ ҳал нагардидааст».

Аз таҳлилҳо бармеояд, ки шаҳрвандон аз ноилоҷӣ ва баъди ба таври зарурӣ  баррасӣ нагардидани муроҷиатҳояшон ба қонуншиканӣ даст мезананд.

Бино ба гуфтаи Сарвари давлат муҳтарам Эмомалӣ Раҳмон, дар даврони соҳибистиқлолии мамлакат ба як миллиону 400 ҳазор оила барои бунёди манзилҳои истиқоматӣ замин тақсим карда дода шудааст. Ба ҳисоби миёна, беш аз 7 миллион нафар сокинони кишвар шароити манзилиашонро беҳтар кардаанд.

Дар хусуси он ки замини наздиҳавлигӣ дар кадом асос ва ба кӣ дода мешавад, Раиси  Кумитаи давлатии идораи замин ва геодезии Ҷумҳурии Тоҷикистон гуфт, ки  «дар асоси қарори Ҳукумати Ҷумҳурии Тоҷикистон аз соли 2010 то 2018   30 ҳазор гектар фонди замини назди ҳавлигӣ ҷудо гардида, то ин давра 22 ҳазору 500 гектар тақсим карда шудааст. Ин  75 фоизи фонди мавҷударо дар бар мегирад. Тибқи қонун  ва санадҳои меъёрӣ, тақсимоти замин ба шахсони эҳтиёҷманд марҳила ба марҳила сурат гирифта истодааст».

Ба гуфтаи номбурда, аксар  вақт дар маҳалҳо мардум аз гирифтани он заминҳое, ки инфрасохтор ва оби нӯшокӣ надоранд ва дар  маҳалҳои дур ҷойгиранд,  даст мекашанд. Бо супориши Ҳукумати ҷумҳурӣ мақомоти маҳаллӣ пеш аз тақсим намудани замин оби нӯшокӣ, роҳ, барқ ва инфрасохтори онро  дар асоси нақшаи кулл таъмин намуда, ба мардум пешниҳод мекунанд.

Февраль 1, 2019 14:40

Хабарҳои дигари ин бахш

Дар Душанбе вобаста ба инкишофи барвақтии кӯдак ҳамоиш доир шуд
Барномаи ҳамкорӣ байни Хадамоти иҷрои Тоҷикистон ва Хадамоти федералии иҷрочиёни судии Русия ба имзо расид
Муовини якуми Раиси ҲХДТ дар Форуми ҳизбҳои сиёсии Созмони ҳамкории Шанхай иштирок намуд
Ба сокинони шаҳри Ҳисор беш аз 450 ҷойи кори холӣ пешниҳод гардид
Дар Душанбе доир ба беҳтар гардонидани сифати ғизо ҳамоиш доир шуд
Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид