Пагоҳ дар Душанбе китоби «Саҳрои бекаронаи таърих»-и нависанда Садриддин Ҳасанзода рӯнамоӣ мешавад
ДУШАНБЕ, 26.02.2019./АМИТ «Ховар»/. Пагоҳ, 27 феврали соли равон дар Вазорати фарҳанги Ҷумҳурии Тоҷикистон рӯнамоии китоби тозанашри нависанда Садриддин Ҳасанзода-маҷмӯаи очеркҳои публитсистӣ таҳти унвони «Саҳрои бекаронаи таърих», ки аз се ҷилд иборат аст, баргузор мешавад.
Тавре аз Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, маҷмўаи мазкур бо илҳом аз асарҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Тоҷикон дар оинаи таърих. Аз Ориён то Сомониён», «Нигоҳе ба таърих ва тамаддуни Ориён» эҷод гашта, як навъ тафсири бобҳои алоҳидаи ин асарҳои безавол, ҳамчунин шарҳи баъзе аз бахшҳои асари аллома Бобоҷон Ғафуров «Тоҷикон» ба шумор меравад.
Китоби мазкурро навъе аз пажўҳиш ва хулосабарориҳои журналистӣ номидан мумкин аст. Маҷмўаи очеркҳо зери назари академики Академияи Илмҳои Ҷумҳурии Тоҷикистон, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, таҳрири муҳаққиқи шинохта Абдуқодири Рустам ва тавсияи Шўрои илмии Пажўҳишгоҳи илмӣ-тадқиқотии фарҳанг ва иттилоот дар нашрияи «Балоғат» соли 2019 ба чоп расидааст.
Ба иттилои манбаъ, китоби мазкур барои тарбияи хештаншиносӣ, ватандўстии насли ҷавони мамлакат ва эҳтироми онҳо ба фарҳанги ниёгон муфид аст.
«УМРЕ БО МУСИҚӢ». Дар Душанбе ҳамоиши илмӣ баргузор гардид
«ИЛМ-ФУРӮҒИ МАЪРИФАТ». Дар шаҳри Хуҷанд даври якуми озмуни ҷумҳуриявӣ идома дорад
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид
Дастхатҳои Қалъаи Кӯҳи Муғ ба рӯйхати «Ҳофизаи ҷаҳонӣ»-и ЮНЕСКО дохил шуданд
СОЛИ ФАРҲАНГИ КИТОБХОНӢ. Дар доираи он дар вилояти Хатлон конференсияи илмӣ-амалӣ баргузор шуд
Байни Академияи миллии илмҳои Тоҷикистон, Бойгонии апостолии Ватикан ва Китобхонаи апостолии Ватикан Ёддошти тафоҳум ба имзо расид
Осорхонаҳои миллии Тоҷикистон ва Беларус ҳамкории осорхонавиро густариш медиҳанд
«НАКҲАТИ БАҲОР». Таҳти ин унвон намоиши асарҳои эҷодӣ ифтитоҳ ёфт
Дар Тоҷикистон Фестивали байналмилалии театрҳои касбӣ «Наврӯз» баргузор мегардад
