«ЗАБОН ДОНӢ – ҶАҲОН ДОНӢ». Таҳти ин унвон КИ ҲХДТ дар шаҳри Душанбе миёни донишҷӯён озмун доир менамояд
ДУШАНБЕ, 30.03.2019. /АМИТ «Ховар»/. Бо мақсади дарёфти чеҳраҳои забондон, тарғиби омӯзиши забонҳои хориҷӣ ва ҳавасманд гардонидани донишҷӯён ба забондонӣ, инчунин дар заминаи дастуру супоришҳое, ки зимни Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ироа гардиданд, Кумитаи иҷроияи Ҳизби Халқии Демократии Тоҷикистон /КИ ҲХДТ/ дар шаҳри Душанбе дар ҳамбастагӣ бо Донишкадаи давлатии забонҳои Тоҷикистон ба номи Сотим Улуғзода озмуни беҳтарин забондонро таҳти унвони «Забон донӣ – ҷаҳон донӣ» миёни донишҷӯёни донишгоҳу донишкадаҳои олӣ ва коллеҷу литсейҳои ҳудуди шаҳри Душанбе доир менамояд. Дар ин бора АМИТ «Ховар» бо истинод ба КИ ҲХДТ дар шаҳри Душанбе хабар медиҳад.
Озмун за се давр иборат буда, даври аввал аз 1 то 16 апрел аз ҷониби муассисаҳои таълимӣ миёни довталабон, даври дуюм аз 20 апрел то 6 май аз ҷониби кумитаҳои иҷроияи ноҳиявии ҳизб миёни ғолибони даври аввал ва даври сеюм аз 7 то 17 майи соли 2019 аз ҷониби Кумитаи иҷроияи шаҳрии ҳизб миёни ғолибони даври дуюм гузаронида мешавад.
Довталабони озмун бояд таҳсилкунандагони бахшҳои 1, 2 ва 3 муассисаҳои таълимии ҳудуди шаҳри Душанбе бошанд. Онҳо дар баробари забони модарӣ (тоҷикӣ) инчунин як забони хориҷиро дар сатҳи баланд донанд, яъне озодона суҳбат карда тавонанд. Ҳамчунин довталабон бояд аз ҷониби муассисаҳои таълимӣ расман пешниҳод гарданд. Иштирокдорони озмун аз рӯи ду шакл — шифоҳӣ ва хаттӣ санҷида мешаванд.
Тибқи Низомномаи озмун, ғолиби ҷойи якум – як нафар, ҷойи дуюм — ду нафар ва ҷойи сеюм — се нафар муайян карда мешаванд. Ба ғолибони ҷойи якум 250 сомонӣ, ҷойи дуюм 200 сомонӣ ва ҷойи сеюм 150 сомонӣ бо идрорпулии (стипендияи) КИ ҲХДТ дар шаҳри Душанбе то 6 моҳ (шурӯъ аз моҳи сентябри соли 2019) дода мешавад. Инчунин ғолибони озмун дар арафаи Рӯзи ҷавонони Тоҷикистон бо Ифтихорномаю Сипоснома ва туҳфаҳои хотиравии Кумитаи иҷроияи шаҳрии ҳизб сарфароз гардонида мешаванд.
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
